Црна хроника
Кој ќе управува со вадењето на бродот ?
![](https://makfax.com.mk/wp-content/uploads/2016/11/1dc32f8f-0573-412c-95b5-3bc366d9673b-1.jpeg)
„ Илинден “ останува на дното додека македонската и бугарската страна да се договарат кој ќе ја раководи операцијата која е дел од истрагата
Непостоењето на македонско – бугарска меѓудржавна спогодба за соработка во сефарата на обвинителствата е момент кој привремено го запре извлекувањето на бродот „ Илинден “ на површината на Охридското езеро.
Хрватската фирма „ Дубина “ се јавува само како технички реализатор на зафатот, но, постапката ја усложнува фактот што остатоците од „ Илинден “ се доказен материјал за истражната, односно, судската постапка која ќе следи.
Како странки во постапката секако ќе се јават Република Македонија и Бугарија како држави, но и семејствата на загинатите бугарски државјани.
Вадењето на „ Илинден “ и фактите кои притоа ќе се утврдат впрочем се најважниот дел од истрагата за причините за несреќата, поради што неофицијално, бугарскиот заменик државен обвинител се обидувал за себе да обезбеди позиција за што поголемо раководење со постапката за вадење на бродот.
Проблем притоа е и документирањето на материјалот и обезбедување вешти лица за бродски нереќи, иако хрватската фирма „ Дубина “ има искуство но само во подводни работи но, не и судски вештачења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.