Свет
Полициска контрола во канцеларијата на агенцијата S&P во Милано
Припадници на финансиската полиција на Италија (Guardia di Finanza) во Милано во четвртокот спроведуваат контрола во претставништвото на меѓународната рејтинг агенција Standard & Poor’s, јавува италијанската агенција Ansa.
Припадници на финансиската полиција на Италија (Guardia di Finanza) во Милано во четвртокот спроведуваат контрола во претставништвото на меѓународната рејтинг агенција Standard & Poor’s, јавува италијанската агенција Ansa.Ревизијата е иницирана од страна на Канцеларијата на обвинителот на јужноиталијанскиот град Трани, во регионот Апулија, која се сомнева дека бонитетската агенција Standard & Poor’s, како и другата рејтинг агенција Moody’s, во манипулирањето со пазарите, откриваат доверливи информации и берзански шпекулации.Standard and Poor’s минатиот петок доцна навечер (14-ти јануари), веднаш по затворањето на берзите во САД ги намали суверените кредитни рејтинзи на девет од 17 земји од еврозоната, вклучувајќи ги Франција, Италија, Шпанија и Португалија. Поточно, долгорочниот кредитен рејтинг на Италија беше намален на „БББ+“ со „негативна“ перспектива. Тоа значи дека агенцијата не ја исклучува можност набрзо уште еднаш да го намали кредитниот суверен рејтинг на Италија.Минатата година, канцеларијата на градското обвинителство отвори истрага против двете рејтинг агенции. Според истрагата, двете агенции шират „неосновани“ негативни извештаи за италијанскиот државен долг и за стабилноста на банкарскиот систем, што доведе до шпекулации и турбуленции на финансиските пазари.Како дел од овој случај се осомничени шест лица, меѓу кои се тројца аналитичари на Standard & Poor’s и еден експерт на Moody’s, како и раководителите на локалните канцеларии на двете агенции./крај/анса/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.