Спорт
Жалгирис во обид да го симне Макаби од врвот
На 1 и 2 декември се игра седмото коло од Лигата на шампионите во кошарка. Најинтересен ќе биде дуелот помеѓу Жалгирис и Макаби од Тел Авив. Израелците се единствената екипа која што во ноември ги совлада сите свои противници и е во водство на табелата во групата А. Жалгирис со победа ќе се израмни бодовно со Макаби и затоа овој дуел можеби ќе го одлучи и првакот на оваа група.Распоред на натпревари и табели:Група А: Каха Лаборал – Асеко Проком (1 дек.), Кимки Партизан (1 дек.) и Жалгирис – Макаби (2 дек.) табела: Макаби Т.А. 5-1, Жалгирис 4-2, Партизан 4-2, Кимки 2-4, Каха Лаборал 2-4, Асеко Проком 1-5.Група Б 2 ноември: Лотоматика – Шарлроа, Олимпијакос – Брос Баскетс, Уникаха – Реал. Табела: Олимпијакос 4-2, Реал 4-2, Уникаха 3-3, Лотоматика 3-3, Брос Баскетс 2-4, Шарлроа 2-4.Група Ц: Фенер Улкер – Цибона (1 дек.), Монтепаски – Литвос Ритас (1 дек.), Регал Барса – Шоле (2 дек.) Табела: Фенер Улкер 5-1, Монтепаски 5-1, Регал Барса 4-2, Шоле 3-3, Литвос Ритас 1-5, Цибона 0-6.Група Д: ЦСКА – Панатинаикос (1 дек.), Унион Олимпија – Армани (1 дек.), Валенција – Ефес (2 дек.) Табела: Панатинаикос 4-2, Унион Олимпија 4-2, Ефес Пилсен 4-2, Армани 3-3, Валенција 2-4, ЦСКА 1-5. крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.
Спорт
Алкараз го откажа настапот на Мастерсот во Рим
Шпанскиот тенисер Карлос Алкараз поради повреда нема да настапи на Мастерсот во Рим.
Третиот тенисер во светот има прблем со десната подлактица, но и покрај тоа реши да игра на Мастерсот во Мадрид каде не успеа да ја одбрани титулата, во четвртфиналето дожиева пораз од Андреј Рубљов.
„Почувствував болка на турнирот во Мадрид, непријатност во раката. Денеска направив прегледи и имам оток на мускулот на подлактицата, што е резултат на претходна повреда. За жал, не можам да играм во Рим, морам да почнам со рехабилитација за да играме 100 отсто без болка“, напиша Алкарас на социјалната мрежа „Икс“.
Алкарас во краток период се откажа од три турнири. За еден месец се откажа од Монте Карло, Барселона и сега од Рим.