Спорт
Хјуит и Сафина елиминирани во Њујорк, сигурен настап на Федерер и Клајстерс
Шампионот во Њујорк, во 2001 година, Лејтон Хјуит, уште во првото коло го заврши својот настап на „Флешинг Медоуз“. Хјуит по пет одиграни сетови, меѓу гледачите го испрати Пол Анри Матие.
Шампионот во Њујорк, во 2001 година, Лејтон Хјуит, уште во првото коло го заврши својот настап на „Флешинг Медоуз“. Хјуит по пет одиграни сетови, меѓу гледачите го испрати Пол Анри Матие.
Најголемиот фаворит за освојување на титулата, Рожер Федерер, петкратен победник на турнирот, на теренот мина само 93 минути. Швајцарецот во три сета, 6:1, 6:4, 6:2, го победи Брајан Дубул од Аргентина.
Пласман во следната рунда од рангираните тенисери изборија Николај Давиденко, Енди Родик, Марин Чилиќ, Робин Содерлинг, Јирген Мелцер, Гаел Монфилс, Алберт Монтањес, Хуан Карлос Фереро. Турнирот во Њујорк заврши за 27-от носител Фернадо Гонзалес, чилеанецот поради повреда му го предаде мечот на Иван Додиг.
Некогашната број 1 во женскиот тенис, Динара Сафина во првото коло е елиминирана од последниот грен слем во сезоната, УС Опен. Сафина по еден час и 45 минути игра со 3:6, 4:6 загуби од Даниела Хантукова.
Првото коло во Њујорк, лесно го минаа бранителката на титулата Ким Клајстерс и двократната шампионка Венус Вилајамс.
Три сета за пласман во следната рунда мораше да игра Саманта Стосур, таа со 3:6, 7:6 и 6:1 ја елиминира Елена Веснина.
Од носителките првото коло го минаа Марион Бартоли, Флавија Панета, Цветана Пиронкова, Франческа Скојавоне, Елена Дементиева, Анастазија Пављученкова, Петра Квитова, Алона Бондаренко и некогашната број 1, сега 41 светска тенисерка, Ана Ивановиќ.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.