Свет
Тимошенко инволвирана во убиство на пратеник
Украинското државно обвинителство има „необорливи докази“ за вмешаноста на поранешната украинска претседателка Јулија Тимошенко во убиството на Евгениј Шчербан, пратеник и бизнисмен во 1996 година, изјави во саботата заменикот претседателот на украинската Рада, Ринат Кузмин.
Украинското државно обвинителство има „необорливи докази“ за вмешаноста на поранешната украинска претседателка Јулија Тимошенко во убиството на Евгениј Шчербан, пратеник и бизнисмен во 1996 година, изјави во саботата заменикот претседателот на украинската Рада, Ринат Кузмин.Во ноември 1996 година, бизнисменот Евгениј Шчербан, кој тогаш ја извршуваше функцијата заменик на претседателот на украинскиот парламент (Радата), беше ликвидиран на аеродромот во источниот град Доњецк. Во нападот беа убиени и неговата сопруга и еден припадник на персоналот на аеродромот. По 2000 година за ова убиство беа уапсени и осудени на затворски казни осум лица. Тројца од нив се осудени на доживотни затворски казни, пишува РИА Новости. Павел Лазаренко кој во периодот 1996-1997 година беше премиер на Украина, е осуден како главниот налогодавец на убиството. Тој моментално отслужува затворска казна во САД поради перење пари. Во интервјуто за украинската телевизија Интер ТВ, заменикот на спикерот на украинскиот парламент, Ринат Кузмин тврди дека „парите префрлени на сметките на убијците потекнуваат од компанијата во сопственост на Лазаренко и Тимошенко“.„Дури, компанијата Somali Enterprises којашто ги префрлала парите за убиството на Шчербан, исто така, префрлала пази за купувањата на Јулија Тимошенко на капути, будни, накит и плаќање на нејзините хотелски и ресторански сметки“.Наталија Лисова, која се јавува како портпарол на поранешната украинска премиерка Јулија Тимошенко, ги отфрла тврдењата за вмешаност во убиството на Шчербан коментирајќи ги како „обична глупост“. Тимошенко, ќе биде пуштена од затворот во Киев поради лечење во медицинските установи во семјата, бидејќи тоа не е можно во затворот, соопшти во вторникот украинскиот претседател Виктор Јанукович. Случајот Тимошенко предизвика тензии на релација Украина и Европската унија. Претседателот Јанукович е под притисок на ЕУ да ја ослободи лидерката на опозицијата којашто ја победи на претседателките избори во февруари во 2010 година. Тимошенко и нејзините приврзаници тврдат дека станува збор за политички мотивиран процес.Поранешата украинска премиерка Јулија Тимошенко на 11-ти октомври беше осудена на седум години затвор за злоупотреба на овластувањата и положбата при склучување договори за набавка на гас со Русија во 2009 година и во моментов е на издржување на казната. Таа беше притворена во почетокот на август.Тимошенко, исто така, е обвинета и за злоупотреба на положбата во соединето дело по обвинение за нелегално користење на парите добиени од продажбата на квотите за емисија на стакленички гасови доделени на Украина во рамките на Протоколот од Кјото и нелегалното, според украинскиот јавен обвинител, купување на амбулантни возила по повисоки цени. Исто така, уште се води истрага за двата случаи кои се однесуваат на управувањето на Тимошенко со компанијата за увоз на природен гас „Обединети енергетски системи на Украина“ во 1990-те година.Пред две седмици даночната полиција на Украина ги обнови истрагите во четири кривични предмети против поранешната премиерка Јулија Тимошенко, кои се однесуваат на затајување данок во втората половина од 1990-тите, кога таа ја водеше компанијата „Обединети енергетски системи на Украина“.Претходно во средината на октомври, Службата за безбедност на Украина, исто така, соопшти дека иницирала нова кривична постапка против Тимошенко. Според истрагата, овојпат станува збор за долг од 405 милиони долари, кој во 1996 година го сторила корпорацијата „Обединети енергетски системи на Украина“ спрема министерството за одбрана на Русија во периодот кога со неа раководела Тимошенко. Според соопштението на Службата за безбедност на Украина, Тимошенко е обвинета за тоа што како претседател и де факто сопственик на корпорацијата, по претходен договор со поранешниот премиер Павел Лазаренко извршила обид за проневера и оштетување на државниот буџет на Украина во голем обем./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.