Спорт
Пеџа даде три тројки за 67 секунди
По неколку мечеви отсуство од паркетот поради повреда на вратот, Пеџа Стојаковиќ повеќе од успешно се врати во дресот на Далас во победата од 101:73 над Голден Стејт во Америкен Еирлајнс Центарот.
По неколку мечеви отсуство од паркетот поради повреда на вратот, Пеџа Стојаковиќ повеќе од успешно се врати во дресот на Далас во победата од 101:73 над Голден Стејт во Америкен Еирлајнс Центарот. Србинот за само 67 секунди постигна три тројки едноподруго што делуваше демотивирачки кај противникот. На крајот мечот го заврши со 17 поени. Најефикасен беше Дирк Новицки со 20 поени и 6 скокови, а Тајсон Чендлер кон скромните 7 поени додаде 17 скокови.Во поразениот тим скоро да немаше играч за издвојување, а најмногу поени постигна Монта Елис , 18, но со многу лош процент на шут.Останати резултати: Вашингтон – Њу Џерси 98:92 (Џон Вол 26 п. 6 ск. 8 ас. Џон Крофорд 21 п. / Крис Хемфрис 18 п. 17 ск. Брук Лопез 21 п. 10 ск.)Атланта – Детроит 104:96 (Ал Хорфорд 18 п. 10 ск. / Родни Стаки 22 п. 8 ас.)Милвоки – Њујорк 100:95 (Карлос Делфино 30 п. 11 ск. Ендрју Богут 13 п. 12 ск. / Амар Стадемаер 25 п. 11 ск./ Кармело Ентиони 21 п. 5 ск.)Минесота – Сакраменто 95:127 (Лук Рајднур 22 п. / Семјуел Далембер 26 п. 17 ск. Маркус Торнтон 23 п. 8 ск. 9 ас.)Л.А. Клиперс – Феникс 99:108 (Крис Каман 21 п. 11 ск. Мо Вилијамс 18 п. 7 ск. 7 ас. / Стив Неш 23 п. 7 ск. 13 ас. Марцин Гортат 17 п. 13 ск.)Оклахома – Торонто 93:95 (Расел Вестбрук 22 п. 6 ск. Кевин Дурант 20 п. 5 ск. / Андреа Барњани 23 п. 5 ск. Демаркус Дерозен 16 п. 8 ск.)Хјустон – Јута 110:108 (Кевин Мартин 34 п. Кајл Лоури 28 п. 11 ск. 10 ас. Патрик Патерсон 14 п. 13 ск. / Пол Милсап 35 п. 10 ск. Ал Џеферсом 17 п. 19 ск.)Л.А. Лејкерс – Портланд 84:80 (Коби Брајант 22 п. Ламар Одом 16 п. 11 ск. По Гасол 14 п. 13 ск. / Николас Батум 25 п. Ламаркус Алдриџ 18 п. 6 ск.). крај/макфкас/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.