Свет
Палестина стана полноправна членка на УНЕСКО
Генералната конференција на Агенцијата на Обединетите нации за образование, наука и култура – УНЕСКО во Париз во понеделникот гласаше за прием на Палестина во организацијата .
Генералната конференција на Агенцијата на Обединетите нации за образование, наука и култура – УНЕСКО во Париз во понеделникот гласаше за прием на Палестина во организацијата .Како што јавува дописникот на РИА Новости, приемот на Палестина во УНЕСКО го поддржале 107 земји, против гласале 14. Повеќето делегати го поздравиле исходот од гласањето го поздравиле со овации, пренесува агенцијата.За прием на нова членка потребни се две третини од гласовите од 193-те земји на УНЕСКО.Претходно во понеделникот ваквиот исход го навести и израелскиот амбасадор во ОН, Нимрод Баркан, откако претходно Извршниот комитет на организацијата го поддржа палестинското барање.Приемот на Палестина во УНЕСКО би можело да предизвика тешка криза во самата организација, имајќи предвид дека САД, коишто даваат 22 отсто од вкупниот буџет на агенцијата, за заканија дека ќе престанат да уплатуваат во случај на позитивно решение на палестинското барање. УНЕСКО така за оваа година би добил 70 милиони долари помалку. Израел, исто така, претходно најави дека ќе постапи исто како и САД./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.