Белата куќа најверојатно подлегна на притисокот на жедните и љубопитните американци и во саботата навечер објави рецепти за два вида пиво коишто претседателот Барак Обама ги подготвува во домашни услови.

Рецептот, како што забележуваат американските медиуми, открива дека американскиот претседател сака пиво со мед.

На блогот наречен „Пиво за готвачот“, помошникот на главниот готвач на Белата куќа и виш советник за здрава храна Сен Кас напиша „поради тоа што во јавноста се шпекулира за производството на пиво во Белата куќа, одлучивме сé да откриеме“.

„Искрено, се изненадивме колку добро излезе пивото, будејќи никој од нас тоа не го правел претходно“, додава Кас.

Сепак јавноста тешко ќе дојде до главната состојка на Меденото темно пиво на Мелата куќа и Медениот портрет на Белата куќа, бидејќи медот што се користи во рецептите доаѓа од кошниците на Белата куќа, исто така, први во историјата на резиденцијата на американските претседатели.

Кас, меѓу другото, пишува дека „медот на пивото му дава богата арома, но не го прави послатко“.

Меѓутоа, Брандон Скол, главниот директор на локалната пиварница „DC Brau“ кој ги пробал пивата на претседателот Обама вели дека тој би ја „засилил содржината на алкохолот и би додал малку слаткост“.

Темното пиво на Обама најверојатно би одело добро со пикантни и зачинети јадења, како што се свинско филе или печена патка, смета Скол и додава дека тој со задоволство би ги произведувал двата вида пиво во неговата пиварница во Вашингтон. Портерот би одел со десерт или во него би можело да се стави и топче сладолед, вели Скол.

Самиот претседател Обама и неговите соработници веќе со седмици наназад зборуваат за ова пиво, меѓутоа досега одбиваа да го објавата рецептот иако медиумите постојано го бараа па дури беше покренато потпишување на онлајн петиција. Соработниците на американскиот претседател често споменуваат дека тој обожува пиво, а самиот тој е повеќепати фотографиран како консумира пиво, како што беше минатиот месец на саемот во сојузната држава Ајова.

Доколку избирачите го препознаат како пивопиец, велат експертите за маркетинг, полесно ќе се идентификуваат со Обама, а попатно ова служи и како потсетување дека републиканскиот противкандидат за претседател Мит Ромни е мормон и не консумира алкохол.

Белата куќа не заборави да напомне дека претседателот Обама самиот го платил инсталирањето на малата домашна пиварница и сите состојки потребни за приготвување на пивото./крај/хи/сн