Свет
Американците бараат помош од ЕУ за наплата на долгот од Рамковски
МДЛФ не сака да ги загрози шансите на земјата за придружување кон ЕУ, но директорот на компанијата предупредува дека нивните мерки ќе имаат †сериозен негативен ефект врз меѓународната позиција на Македонија”
МДЛФ не сака да ги загрози шансите на земјата за придружување кон ЕУ, но директорот на компанијата предупредува дека нивните мерки ќе имаат †сериозен негативен ефект врз меѓународната позиција на Македонија”
БОРИС ГЕОРГИЕВСКИ
Американскиот Фонд за развој на медиумите дигна раце од македонските судови и во обид да си го наплати долгот од скопската А1 телевизија во износ од 1,4 милиони американски долари одлучи да се обрати до Европската комисија, односно директно до Комесарот за проширување, Оли Рен, како и до Стејт департментот, Светска банка, ММФ и други светски институции. “По пет години чекање да се изврши правдата преку македонскиот правен систем и судовите, МДЛФ одлучи да го сподели своето тажно искуство во Македонија со други страни заинтересирани по прашањата за владеењето на правото, ефективноста на судскиот систем и заштитата на странските инвестиции во Македонија”, Ј напишал на Владата во Скопје, првиот човек на Бордот директори на американскиот Фонд (МДЛФ), Кенет Андерсон. За своите намери да ги известат странските институции од МДЛФ ја информирале и македонската Влада, но оттаму вчера немаа никаков коментар.
Американците пет години не можат да си ги наплатат парите кои му ги дале на сопственикот на А1, Велија Рамковски, наменети за подобрување на квалитетот, техничката опременост на телевизијата и набавка на трансмитери. Наместо техничко опремување, Рамковски, односно неговата фирма “Вемакс”, само две недели по добивањето на кредитот во 1997 година, веднаш ги префрлиле парите на сметка на компанија за извоз на месо од Бостон, САД. МДЛФ во1998 година дознале дека Рамковски, наместо опрема, купил смрзнати пилиња. Дополнително, во МДЛФ го обвинуваат Рамковски дека ги фалсификувал фактурите за наводната набавка на телевизиската опрема, со цел да ја прикрие проневерата, но истовремено и да ги избегне тогашните рестрикции во Македонија во однос на странските валути.
Спорот на А1 и МДЛФ со години е заглавен во македонските судови. Последната пречка во конечната разрешница на спорот и остварувањето на правото на Американците да си го наплатат долгот е Основниот суд Скопје 2, кој ја стопирал одлуката за реализација на залогот што го дал Рамковски како гаранција за кредитот. Решението за забрана на наплатата ја донел судијата Радован Бурјаковски, чие работење по барање на правните застапници на МДЛФ во Македонија во моментов го испитува и Републичкиот судски совет. Минатата недела и Министерството за правда испратило допис до Основниот суд Скопје 2, во кој побарало информација за причините поради кои се одолжува судската постапка, но одговор од судот сў уште нема. Од правда реагирале и до Врховниот суд, односно го запознале претседателот Дане Илиев со случајот. Апелациониот суд во октомври минатата година го укина решението на скопската двојка и оттогаш предметот повторно е вратен во овој суд. Таму треба да продолжи постапката за извршување, односно во зависност од тоа дали на жиро-сметката на должникот има доволно средства, треба или да се наплатат парите, или извршувањето да продолжи врз друг имот на А1 или, пак, да се отвори стечајна постапка против телевизијата.
Во јануари 2004 година тогашниот министер за правда, Иџет Мемети, јавно го повика Рамковски да си го плати долгот спрема МДЛФ, оценувајќи дека постои правна основа за реципроцитет во признавањето на странски судски одлуки, односно со одлуката на судот во САД. Рамковски тогаш тврдеше дека “станува збор за владин притисок врз судот и врз А1 телевизија”.
Претставникот на МДЛФ, Питер Вајтхед, во изјава за “Утрински весник” вели дека на “меѓународната заедница Ј се добро познати проблемите на Македонија со правниот систем, како и заштитата на странските инвеститори и дека од решавањето на тие проблеми зависи и идната поддршка за Македонија”. “Нашата правна акција ќе им биде од корист на македонските власти”, вели Вајтхед. Во писмото на првиот човек на МДЛФ, Андерсон, до Владата се наведува и дека “целта на иницијативите на неговата компанија не е да се загрозат шансите на земјата за придружување кон ЕУ или, пак, добрите односи со САД”, но тој предупредува дека нивните мерки ќе имаат “сериозен негативен ефект врз меѓународната позиција на Македонија”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија планира да и даде на Украина уште 400 милиони евра воена помош
Германската влада има намера оваа година да одвои дополнителни 400 милиони евра за воена поддршка на Украина, се наведува во писмото на Министерството за финансии до Комисијата за буџет на Бундестагот.
„Германската влада планира краткорочно да одвои дополнителни 400 милиони евра за воена поддршка на Украина“, се наведува во писмото, пренесува Handelsblat.
Државниот секретар за финансии Флоријан Тонкар, кој го потпиша писмото, укажа на опасноста „Украина да претрпи пораз во одбранбената кампања без значително зголемена материјална поддршка“.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.