Свет
УЈП може да ги контролира партиските членови
Дирекцијата за заштита на лични податоци нема да реагира на контролата на
финансиското работење на политичките партии, бидејќи Управата за јавни приходи
има законско право тоа да го прави.
ДИРЕКЦИЈА ЗА ЗАШТИТА НА ЛИЧНИ
ПОДАТОЦИ
Дирекцијата за заштита на лични податоци нема да реагира на контролата на
финансиското работење на политичките партии, бидејќи Управата за јавни приходи
има законско право тоа да го прави.
"Во овој момент не можеме да реагираме, бидејќи УЈП има право да го
контролира работењето на партиите. Дирекцијата ќе реагира само ако обработката
на податоци од УЈП не се користи за намената за која се собрани податоците,
односно ако тие се злоупотребат и се дадат на трети лица", изјавија вчера
од Дирекцијата за заштита на лични податоци.
СДСМ на прес-конференција ја обвини УЈП дека незаконски бара увид во
документацијата за собраниот износ членарина од секој член поединечно.
"Не е спорно да се бара увид колку членарина е собрана од секоја општинска
организација, но спорно е да се бара матичниот број на членовите".
УЈП кажа дека спроведуваат контроли во ВМРО-Народна, ВМРО-ДПМНЕ, СДСМ, НСДП,
ДУИ, ДПА и ДОМ согласно препораките на Државниот завод за ревизија, во
извештаите за контролите во политичките партии.
Но, во ВМРО-НП изјавија дека кај нив се уште не поминале инспектори на УЈП да
направат контрола на нивното работење. Инспектори, како што изјавија од ДУИ,
нема ниту во оваа политичка партија. Во НСДП велат дека имало контрола, а
инспекторот бил коректен и немал никакви забелешки за финансиското работење.
" Посебно за секој член не ни побараа увид, туку ги проверија сите уплати
на членарина. Ние не се финансираме од членарина, која е 30 денари, туку од
донации кои јавно се обелоденети," изјавија од НСДП.
Од ВМРО – ДПМНЕ велат дека финансиската контрола од УЈП кај нив трае.
"Во ВМРО – ДПМНЕ даночните инспектори побараа освен уплатници за членарина
и матични броеви од секој член на партијата", потврди Оливер Шамбевски,
пратеник на ВМРО – ДПМНЕ.
Во Управата за јавни приходи објаснија дека контролите на финансиското работење
на партиите се вршат според Законот за даночна постапка. "Инспекторите
вршат увид во документацијата на политичките партии и бараат од субјектите се
што им треба за да добијат комплетна слика за нивното финансиско работење. За
УЈП воопшто не е релевантно, дали станува збор за партија, фирма или физички
лица. УЈП собира податоци, но не манипулира со нив. И банкарските сметки се
тајност, но ние во антикоруптивните постапки вршиме увид и во нив", велат
во УЈП. (А.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.