Спорт
НХЛ: Стенли Купот за Бостон Бруинс
Со победа во седмиот решавачки меч со 4:0 во Ванкувер, хокеарите на Бостон Бруинс се освојувачи на Стенли Купот за 2011 година.Бостон поведе во првата третина со погодокот на Патрис Бержерон (14:37).
Со победа во седмиот решавачки меч со 4:0 во Ванкувер, хокеарите на Бостон Бруинс се освојувачи на Стенли Купот за 2011 година.Бостон поведе во првата третина со погодокот на Патрис Бержерон (14:37). Победата започна да се наѕира во вторите 20 минути откако голови за Бостон постигнаа уште Бред Марчанд (32:23) и повторно Патрис Бержерон (37:35).На три минути до последниот звук на сирената Бред Марчанд ја погоди празната мрежа на Ванкувер кои играа и без голман со цел да подигнат погодок. НХЛ титулата премина во рацете на Бостон кој по пауза од цели 39 години повторно го донесе големиот пехар во клупските простории.Ванкувер имаше најдобар коефициент во регуларниот дел од првенството. Но во финалната серија беше истрошен. Водеше со 2:0 и 3:2 во победи, но сите три победи беа изразени со само еден гол разлика. Наспроти тоа Бостон славеше убедливо со 8:1, па со 4:0, 5:2 и конечно победа на гости повторно од 4:0.Најефикасен хокеар на Бостон во целата серија беше Бред Марчанд со пет погодоци, а Мајкл Рајдер постигна еден гол помалку. Но без сомневање најзаслужен за успехот е 39 годишниот голман на Бостон Тим Томас кој прими само седум голови во исто толку мечеви во фината серија. На Томас кој го прими Стенли Купот за победата на Бостон му беше врачен и пехарот Кон Смит Трофеј, за МВП играч на финалето/крај/Макфакс/.м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.