Македонија
Отпуштања од градинките во кои има превработеност
Во сите градинки каде што ќе се утврди превработеност од технички персонал кој работи под договор на дело, ќе следат отпуштања
Ова е епилогот од денешните протести пред Владата на негователките, воспитувачките и техничкиот персонал од градинките во општина Карпош и Куманово, кои работат под договор на дело. „Таму каде што ќе се утврди превработеност во градинките, ние ќе ги скратиме блок дотациите до локалната власт, а дали локалната власт ќе ги задржи на работа тоа останува на нив“ – изјави министерот за труд и социјала Џељаљ Бајрами по средбата со штрајкувачкиот одбор од градинките.За таа цел, Министерството за труд и социјала ќе состави комисија со членови од министерството УНИЦЕФ и ЗЕЛС кои ќе треба да утврдат нови стандарди за вработување на техничкиот персонал во градинките, врз чија основа од септември градоначалниците ќе добиваат блок дотации по кои ќе се исплаќаат вработенитеСпоред Бајрами, во некои градинки се врши злоупотреба од директорите и градоначалниците кои вработуваат лица под договор на дело многу повеќе од тоа што има реална потреба„Нема да дозволиме на своја рака дел од градоначалниците да ангажираат лица со договор на дело надвор од потребното. Тие ќе можат и понатаму да го прават тоа, немаме механизам да ги спречиме но ние ќе плаќаме блок дотации во кои ќе бидат вклучени и платите врз основа на тоа што е реално потребно и тоа се однесува подеднакво за сите општини“ – изјави БајрамиЗа Бајрами симптоматично е што токму во овој период перосналот од градинките од Карпош и Куманово излегуваат на протести„Тие се ангажирани од локалната власт на некој начин без никаков основ. Меѓутоа ние како Влада, како министерство, изразивме добра воља да го решиме проблемот кој што се провлекува со години наназад. Кажавме дека периодично ќе ги решаваме негователките и воспитувачките зависно од потребата и помошниот персонал во градинките“ – рече Бајрами.Негователките не се задоволни од новата одлука која им ја соопштил министерот на денешната средба и најавуваат и други протест„Не се откажуваме. Наместо да одиме кон подобро ние се враќаме назад“ – велат од штрајкувачкиот одбор на персоналот од градинките од Карпош и Куманово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Централниот одбор на ЛДП ќе ги разгледува настапот и резултатите на изборите
Либерално-демократската партија извести дека вечерва ќе се одржи седница на Централниот одбор.
„Како одговорна партија, ЛДП, веднаш по конечното завршување на парламентарните избори ќе го разгледува предлог извештајот за подготовките, настапот и резултатите на Либерално-демкратската партија за претседателските и за парламентарните избори 2024 година.
Анализата за натамошното дејствување ќе ја прават членовите и партиското раководство во сите општински организации во наредниот период.
За извештајот, анализата и сите одлуки, јавноста ќе биде навремено и транспарентно информирана“, соопшти партијата.
Македонија
Ниту еден од предложените кандидати не го доби потребното мнозинство за избор за претседател на Уставниот суд, седницата продолжува утре
Во Уставниот суд денеска се одржаа четири круга на гласање за избор на претседател на Уставниот суд.
„Ниту еден од предложените кандидати не го доби потребното мнозинство.
Во согласност со деловникот, постапката за избор се повторува сѐ додека не се избере претседател на Уставниот суд“, информираат од Уставниот суд.
Седницата за избор, како што е најавено, продолжува утре во 10 часот.
Македонија
Ѓорѓиевски – Гeрасимовски: За модерни општини и град Скопје, клучен е безусловен рамномерен регионален развој
За модерни општини и град Скопје, клучен е рамномерен регионален развој и тој не смее да биде условен од политика или друг фактор на поделба, беше заклучокот од средбата на Претседателот на ЗЕЛС, Орце Ѓорѓиевски со градоначалникот на Општина Центар, Горан Герасимовски.
На денешната посета која се одвиваше во рамки на циклусот со кој се опфатени сите општини, беа дискутирани реализираните проекти, но и проблемите со кои се соочуваат жителите на Центар и Скопје. Кaко приоритет беше издвоен проблемот со паркирањето, на чие надминување мора сериозно да се работи. Градоначалникот Ѓорѓиевски потенцираше дека како Претседател на ЗЕЛС продолжува еднакво да се залага за сите и дека очекува многу побрзи решенија сега, откако новата централна власт има сериозен план да обезбеди директна финансиска помош за локалните самоуправи.
-Во рамки на агендата за посета на скопските општини, денес во просториите на општина Центар остварив средба со првиот човек, колегата Горан Герасимовски. Разговаравме за она што досега е сработено, она што е како план во периодот што следи но и за проблемите со кои се соочуваат жителите на Скопје. Од она што го заклучивме во разговорот, општина Центар има сериозен проблем со паркирањето и во иднина ќе се работи на надминување на оваа голгота во центарот на Скопје. За модерни општини и град Скопје потребен е рамномерен развој без разлика на политичката или било каква припадност. Новата влада на ВМРО-ДПМНЕ ќе вложи една милијарда евра за развој на општините рамномерно, по 250 милиони евра годишно.
Како претседател на ЗЕЛС ќе продолжам да се залагам подеднакво за сите, особено сега кога новата централна власт има сериозен план да обезбеди директна финансиска помош за локалните самоуправи. Скопје заслужува да биде повторно горд град- изјави Претседателот на ЗЕЛС, Орце Ѓорѓиевски.