Македонија
Милошоски:Ригидниот однос на Грција му штети на прашањето за името
![](https://makfax.com.mk/wp-content/uploads/2016/11/d3b2eace-c8a2-4301-93b9-d45d4c2cbb32-1.jpeg)
Ригидниот однос на Грција и наметнувањето на својата волја или диктат по однос на прашањето за името е главниот проблем за негово разрешување.
Ригидниот однос на Грција и наметнувањето на својата волја или диктат по однос на прашањето за името е главниот проблем за негово разрешување.
Ова во четвртокот во Лондон го изјави македонскиот министер за надворешни работи Антонио Милошоски во интервју за македонската редакција на Би-Би-Си.
„Ценам дека во целиот овој однос и во самиот спор, главната непозната која го отежнува решавањето на овој спор е сепак односот на Република Грција кон правото на еден народ да се определи себе си“ изјави Милошоски.
Запрашан дали го дели оптимизмот со грчкиот премиер Јоргос Папандреу дека е можно скоро решавање на спорот, Милошоски одговори дека реториката на Грција никогаш не била проблематична, но постапките, делата и начинот на кој пристапуваат кон ова прашање не го поедноставило спорот.
Шефот на македонската дипломатија истакна дека Македонија има принципилене предлог до Грција , а тоа е конечното решение или напредокот кон него да биде поставен на основи во кој двете страни ќе се чувствуваат дека се дел од решението.
„Да нема црвени линии, тогаш полесно би се дошло до одреден напредок“, констатира Милошоски.
На прашањето, дали спомениците и преименувањето на објектите со имиња на Александар Македонски е несовршеност на македонската страна, Милошоски вели дека некои нешта можат да се гледаат како последица или контра -ефект на одредено однесување на соседната држава.
Колку повеќе му се негира правото на еден народ да го изразува и негува сопствениот идентитет, толку поголема ќе биде мотивацијата на различни субјекти во нашата земја да реагираат на начин на кој што сметаат дека тоа можат да го одмаздат, изјави Милошоски во интервјуто за Би-Би-Си. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.