Свет
Востаниците ги заземаа аеродромот во Бани-Валид и болницата во Сирт
Силите на либискиот Национален преоден совет (NTC) во неделата го ја преземаа контролата врз аеродромот Бани-Валид, пустински град 170 километри југоисточно од престолнината Триполи
Силите на либискиот Национален преоден совет (NTC) во неделата го ја преземаа контролата врз аеродромот Бани-Валид, пустински град 170 километри југоисточно од престолнината Триполи, второто важно утврдување на војниците лојални на соборениот водач на либиската Џамахирија, полковникот Моамер ел-Гадафи. Исто така, борците на Советот попладнето во недела ја заземале и главната болница во Сирт, родниот град на Гадафи, 360 километри источно од Триполи. Претходно во неделата, светските агенции јавија дека борците на Советот ги заземале и конференцискиот центар во Сирт и универзитетот, како главни упоришта на лојалистите на Гадафи. „Нашите сили ја преземаа контролата врз аеродромот во Бани-Валид, во југозападниот дел од градот“, изјави командантот Муса Јунес, началник на силите на Националниот преоден совет за овој сектор, јавува AFP.Јунес во телефонскиот разговор со француската агенција информирал дека во неделата се воделе жестоки борби меѓу неговите сили и поддржувачите на соборениот лидер, на само еден километар од центарот на градот кој е напуштен од цивилите. Слабо организираните и лошо опремени сили на Советот кои пред два месеци го заземаа главниот град Триполи и успеаја да го соборат од власт режимот на Гадафи, повеќе од еден месец не успеваат да напредуваат кон пристанишниот град Сирт, како ниту кон Бани-Валид кој е голема оаза на нерамен терен наидувајќи на жесток отпор од силите на Гадафи. Како што пренесува Reuters, попладнето во неделата, војниците на Советот успеале да ја заземат главната болница во Сирт заробувајќи повеќе десетици лојалисти. „Се обидуваме да ги евакуираме болните и ранетите. Мнозинството од припадниците на милицијата на Гадафи избега, некои се камуфлирани во лекари. Тоа мораме да го истражиме“, изјавил за агенцијата Салах Мустафа, командант на либиските востанички сили под команда на Советот.Претходно во неделата, кинеската новинска агенција Синхуа, повикувајќи се на изјави од лекарите од локалната болница во близина на Сирт, во која се пренесуваат загинатите и ранетите, пренесе дека најмалку 17 лица загинале а 227 се ранети во уличните борби што два дена се водат меѓу вооружените сили на Преодниот совет и поддржувачите на соборениот лидер Гадафи.Претставник на командата на Советот за кинеската агенција потврдил дека лојалистите се опколени во неколку населби, а дека борбите продолжуваат во централното градско подрачје, коешто според него наскоро ќе биде целосно заземено.Сепак, според дописникот на Синхуа, притисокот на борците на Советот ослабел поради загубите, како и поради тоа што остатоците од силите на Гадафи низ разните делови на градот распоредиле снајперски и минофрлачки гнезда кои континуирано стрелаат врз позициите на востаниците, што претставува сериозна закана за силите на владејачката администрација.Еден од борците, кој се претставил со име Фарал, за Синхуа изјавил дека неговата единица контролира неколку улици од Сирт и спроведува проверка на куќите кои биле користени како засолништа за лојалистите на Гадафи. Тие, исто така, наводно заробиле десетици платеници во составот на силите на лојалисите.И натаму цивилното население продолжува да го напушта градот преку коридорот кој е направен за да можат безбедно да излезат од зоната на борбените дејствија.Еден од воените команданти на Советот, Мохамед ал-Фајад, за АФП околу пладне изјави дека прашање на часови е кога ќе биде целосно заземен Сирт. Членовите на семејството на соборениот лидер пребегаа во странство, но останува непозната засолништето на самиот Гадафи, но се претпоставува дека е сé уште во Либија./крај/афп/син/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.