Свет
Пратениците претерале со дневници и хонорари
Минатата година парламентарците незаконски потрошиле 32 милиона денари за дневници и паушали, а за авионски билети набавени без тендер потрошиле 1,6 милиони денари државни пари.
Државниот ревизор открил неправилности во финансиското работење на Собранието. Извештајот доставен до МВР и до Обвинителството
Парламентарците незаконски потрошиле 32 милиона денари
ОЛИВЕРА ВОЈНОВСКА
Минатата година парламентарците незаконски потрошиле 32 милиона денари за дневници и паушали, а за авионски билети набавени без тендер потрошиле 1,6 милиони денари државни пари. Ова го констиратирал државниот ревизор во својот последен извештај, кој ќе биде доставен до Министерството за внатрешни работи и до Јавното обвинителство . Во Собранието не се растревожени поради ваквите наводи на ревизорот и тврдат дека не се направени никакви злоупотреби, повикувајќи се на собраниската одлука според која се исплатуваат пратеничките надоместоци. Исто така, негираат дека ги заобиколиле законските обврски при набавката на авионски билети и појаснуваат дека изборот е правен врз основа на седум понуди. Собранието приговарало на ваквата забелешка во извештајот, но Ревизорот го одбил приговорот. Во Јавното обвинителство сў уште не го добиле извештајот, сепак, сметаат дека нема елементи за кривична одговорност бидејќи, иако не постоела законска основа за исплата на хонорарите, тие биле поткрепени со одлука на соодветно тело.
Државниот ревизор во својот извештај забележал дека парламентот во 2004 на име паушали исплатил 12.524 милиони денари, а за дневници за службено патување 19.627 милиони денари. †Одредбите од членовите 8 и 29 од Законот за плати и други надоместоци не предвидуваат таков вид надоместоци, кои имаат големо учество во вкупните расходи на буџетот на Собранието”, констатирал ревизорот. Според согледувањата на оваа институција, паушалите на пратениците учествуваат со 10 проценти во вкупниот собраниски буџет. Во извештајот уште е наведено дека ревизијата покажала дека †се исплатени 1,67 милиони денари за набавка на авиобилети без спроведување постапка согласно со Законот за јавни набавки”, што претставува три отсто од вкупните јавни набавки на Собранието. Државниот ревизор му препорачува на Собранието, надлежната комисија да донесе акт со кој ќе се дефинира описот на работните задачи на пратениците, со оглед на фактот што не постои пропис со кој конкретно се дефинирани работните задачи на пратениците.
Секретарот на Собранието, Александар Новаковски, вели дека ревизорот секоја година излегува со ваков извештај и со речиси идентични забелешки кои, според него, се неосновани…
Нема апсолутно никаква злоупотреба, бидејќи со одлука на Комисијата за избори и именување од 2000 година пратениците ги добиваа спомнатите паушали сў досега, кога со законска измена тие станаа составен дел од платата. Што се однесува до забелешките за авионските билети, сумата што се спомнува се однесува за јануари-февруари, кога објективно има вакуум во споредувањето на процедурата. Имено, Буџетот се носи на крајот на годината, тендерската постапка трае 50 дена, па за патувањата реализирани додека траела оваа процедура, билетите се набавени врз основа на понуда од шест-седум агенции. Така, навистина нема простор за никакви сомневања за незаконско работење. Впрочем, тоа е минимален процент – три отсто во вкупните набавки, што може да биде само позитивен примерри, ни изјави Новаковски. За службените патувања, Новаковски вели дека се почитувани прописите што важат за сите државни и приватни институции и се исплатувало 30 отсто по изминат километар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с