Спорт
Каратистите со прегрст медали од Белград
Нашите најдобри каратисти членови на клубовите Макпетрол и Металург од Скопје кои беа во состав на сениорската Карате репрезентација на Македонија, викендов направија фантастичен успех на еден од најсилните турнири на просторот на југоисточна Европа, Београдски победник -Трофеј Београда
Каратистите отпатуваа на последната контрола непосредно пред Светското првенство кое треба да се одржи на крајот од октомври исто така во БелградВо конкуренција на 14 држави меѓу кој беа присутни и европските велесили како што се: Франција, Италија, Русија, Иран, Унгарија, Романија, Бугарија, Словачка и сите бивши југословенски држави Хрватска, Словенија, БиХ, Црна Гора, Македонија и домаќинот Србија.Нашите каратистки направија голем успех.Тие во дисциплината борби екипно жени повторно освоија бронзен медал, повторно ја потврдија својата голема вредност и квалитет по неодамна освоеното медитеранско сребро и балканска бронза тие сега успеаја во лига систем да се закитат со бронзениот медал на овој силен турнир. За екипата на Македонија настапија Наташа Илиевска (капитен), Наташа Стефановска, Моника Стефановска и Мери Радичевска сите од К.К.Макпетрол.Во поединечна конкуренција нашата најдобра каратистка на сите времиња Наташа Илиевска сосема заслужено успеа во категоријата на -55 кг да влезе во финалето и да го освои златниот медал, додека Наташа Стефановска во категорија на -61 кг и Мери Радичевска во категорија на -50 кг освоија бронзени медали.На турнирот имаше голема конкуренција и сите освојувачи на медали има по 4-5 победи.Покрај освоените четири медали во сениорска конкуренција на турнирот во Белград отпатуваа и комплетните кадетско -јуниорските состави од нашите два најреномирани клубови Макпетрол и Металург.Помладите каратисти на металурзите освоија вкупно три златни, две сребрени и четири бронзени медали додека младите каратисти на Макпетрол освоија едно злато и две сребра.Посебно се истакнаа јуниорите Симон Антич, Симона Заборска, Бојан Јовановски, Спасо Илиевски, како и кадетите Виктор Крстевски и Азиз Исмаил.Каратистите кои се натпреваруваа во машка конкуренција за сениори овојпат не успеаја да освојат медал.Кај сениорите генерално најдобар впечаток оставија репрезентативките Наташа Илиевска и Наташа Стефановска.„Задоволен сум од борбите и формата која ја демонстрираа нашите каратисти. Задоволен сум особено од девојките кои еве во континуитет за само еден месец на Македонија и донесоа три медали во дисциплината екипна конкуренција борби, Девојките освоија медали што досега сме ги немале“, изјави македонскиот селектор Бошко Заборски. Наташа Илиевска уште еднаш покажа дека во моментов е спортист на кој можеме да сметаме дека ќе се вмеша во борба за медал и на Светското првенство, потоа младата Наташа Стефановска е се подобра, кај мажите се истакнаа Жарко Арсовски и младите Мартин Томовски и Стојан Тасевски, додаде Заборски. На турнирот поради повреди не отпатуваа нашите најдобри сениори Огнен Груевски, Сашко Арсовски, Мартин Несторовски и Иво Цветковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.