Свет
Затворена швајцарската жиро-сметка на основачот на Викиликс
Подружница на швајцарската пошта, компанијата ПостФинанс ја затвори сметка на основачот на сајтот Викиликс Џулијан Aсанж, со образложение дека тој доставил неверодостојни информации за местото на престојување, се вели во соопштението на компанијата издадено денеска. Претходно швајцарските медиуми објавија дека ПостФинанс, врши проверка на податоците за жиро-сметката отворени на името на Џулиан Асанж. Станува збор за сметка на која поддржувачите на Викиликс уплаќаат донации за интернет страницата. „ПостФинанс ја затвори жиро-сметката на основачот на Викиликс, Џулијан Асанж. Решението е донесено откако се утврди дека Асанж при отворањето на сметка дал лажни информации во врска со неговото место на живеење“, се наведува во соопштението на компанијата, што го цитира АФП.Според ПостФинанс, како место на живеење Асанж го навел градот Женева. „Проверката покажа дека оваа информација е неверодостојна. Асанж не може да обезбеди доказ за престој во Швајцарија, така што не може да ги исполни барањата да стане клиент на ПостФинанс“, се додава натаму во соопштението. Претходно, на интернет страницата Викиликс којашто продолжува со објавувањето на интригантните тајни преписки на американската дипломатија и администрацијата, услугите и ги откажаа електронските платежни системи Амазон.ком, ПејПал и ЕвриДНС. ПејПал во своето образложение наведува дека се решиле на овој чекор откако американските власти соопштија дека активноста на интернет страницата со објавувањето на документите, претставува кршење на законот. Исто така, образложувајќи ја оваа одлука, ПејПал се повикува на одредени сопствени услови за услугата коишто забрануваат употребата на системот за плаќање за секоја активност која е на некој начин поврзана со нелегални активности. Судот во Стокхолм во ноември го одобри барањето на Обвинителството да го приведе 39-годишниот Австралиец, кој е обвинет во Шведска за силување и сексуално малтретирање, а од 20 ноември Интерпол (на барање од канцеларијата на шведскиот обвинител) дистрибуираше до сите 188 земји членки на организацијата ткн. „црвена потерница“ со името на Асанж, што е еднакво на негово влегување на листата на најбарани лица. Сепак, според адвокатот на Асанж, Марк Стивенс, Скотланд Јард ќе го отфрли налогот бидејќи тоа ги прекршува законските норми. Во четвртокот, британскиот весник „Индепендент“ напиша дека Асанж наводно се наоѓа во Лондон, и дека на полицијата и ги дал сите негови контакти и адресата на којашто престојува. Асанж самиот ги отфрла обвинувањата, нарекувајќи ги дел од „валканата кампања“ што се води против Викиликс од јули годинава кога почна со објавувањето на тајните документи на Пентагон за војните во Авганистан и Ирак. Од минатиот понеделник Викиликс повторно е во центарот на вниманието на светската јавност откако почна со објавување на официјалната тајна кореспонденција на американските дипломати со Стејт департментот. Во депешите на амбасадорите на САД и лица од администрацијата со непријатни карактеристики се опишуваат настани во многу земји, а се даваат недипломатски оцени за голем број светски лидери. Инаку документите што ги објавува Викиликс не ја носат ознаката „строго доверливо“, туку се класифицирани како „за внатрешна употреба“. /крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.