Црна хроника
Кривична за татко и син од Велешта за попречување полицаец во вршење службено дејство
Полициската станица Струга при СВР Охрид, поднесе кривична пријава против лицето Д.Б. роден 1962 г. од селото Велешта и неговиот син Е.Б. роден 1985 г., осомничени дека сториле кривично дело „попречување на службено лице во вршење службени дејствија“
Полициската станица Струга, кривична пријава поднесе и против лицето Ј.Н. роден 1983 г. од Струга поради основано сомнение дека сторил едно кривично дело „предизвикување општа опасност“.Лицата се лишени од слобода и во текот на денешниот ден ќе бидат предадени во Основниот суд во Струга.Во саботата, околу 17.15 часот,на плажата „Блу скај“ во Струга, пријавениот Ј.Н. управувајќи „скутер“ удрил во лицето М.Р. родена 1995 г. која пливала во езерото по што го напуштил местото. Таа е пренесена во Медицинскиот центар во Струга каде се констатирани лесни телесни повреди во пределот на главата.Непосредно по незгодата, полициски службеник вработен во МВР, легитимирајки се, се обидел да го задржи возачот на скутерот но при преземање на службените дејствија бил спречен од Д.Б. и неговиот син Е.Б. кој, при расправијата со полицискиот службеник извадил нож. По преземените оперативни мерки, полициските службеници го пронајдоа возачот на скутерот кој со помош на Д.Б. и Е.Д. брзо ја напуштил плажата „Блу скај“.Како што се дознава станува збор за Дилавер Бојку, човекот кој беше затворан и гонет за подведување и овозможување занимавање со проституција во неговите локали во струшкото село. Тој избега пред неколку години, но беше уапсен во Црна Гора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Повторно насилство во „Идризово“: затвореник со тешки повреди заврши во болница
Нов случај на насилство помеѓу затвореници е забележан вчера во Казнено-поправната установа Затвор Идризово.
Од полицијата велат дека се работи за физичка пресметка меѓу две групи на затвореници, а едно лице е тешко повредено.
„Осуденикот Х.Ф.(29) од Студеничани, Скопско, се здобил со тешки телесни повреди, констатирани во Градската општа болница ‘8 Септември’ во Скопје“, велат од МВР, додавајќи дека се преземаат мерки за расчистување на случајот.
Насилство во затворот имаше и пред два дена, кога осуденикот Ѓ.М.(43) од Скопје бил физички нападнат од осуденикот К.Ф.(40) од Гостивар.
Црна хроника
Син го нападнал својот татко во Карпош
Педесет и петгодишен маж бил нападнат од својот син во домот на подрачјето на Карпош.
Случајот бил пријавен во МВР во текот на вчерашниот ден.
Се преземаат мерки за негово расчистување.
Црна хроника
Maж најден починат во напуштен објект во центарот на Скопје
Во напуштен објект на подрачјето на Центар во Скопје било пронајдено починато машко лице, објави МВР.
Од страна на лекар од Итната медицинска помош била констатирана смрт и извршен е увид.
Засега нема информации за идентитетот на мажот, ниту дали смртта е насилна. Телото на починатиот е дадено на обдукција.