Црна хроника
Уапсени двајца бугарски државјани осомничени за криминал со платежни картици

Единицата за борба против компјутерски криминал при МВР до Основното Јавно обвинителство Скопје поднесла кривична пријава против бугарските државјани за сторено кривично дело „оштетување и неовластено навлегување во компјутерски систем” и за „соизвршителство” во врска со истото дело
Минитсерството за внатрешни работи соопшти дека истражниот судија на двајцата бугарски државјани, на 26 и на 29-годишна возраст им одредил мерка притвор во траење од триесет дена. Двјцата во текот на јул годинава, фалсификувале повеќе видови пластични магнетни картички, на кои на магнетната лента вметнале вистински податоци од платежни картички на странски државјани кои ги добиле нелегално. Преку банкомат на македонска банка на 29 и 30-ти јули, двајцата извршиле вкупно 30 нелегални трансакции, од кои 17 неуспешни во износ од 178.500 денари и 13 успешни нелегални трансакции со што се ограбиле 192.500 денари. По претходни оперативни сознанија на Единицата за борба против компјутерски криминал дека на подрачјето на Скопје престојуваат странски државјани кои вршат нелегални трансакции со фалсификувани платежни картици, биле преземени мерки за нивно пронаоѓање а на 30-ти јули тие биел лоцирани и во 1.30 часот по пполноќ полицијата ги привела на ул.”Македонија” во Скопје. Од извршените претреси на лицата и возилото со кое патувале пронајдени се вкупно 12 фалсификувани платежни картички и 196.480 денари. Постојат докази дека дел од пронајдените фалсификувани платежни картички се употребени на банкомати и на друга македонска, велат од МВР. Одделот за организиран криминал презема мерки и активности за утврдување и на други инволвирани лица и нивно санкционирање и утврдување на евентуална инволвираност на овие лица во претходни случаи на злоупотреба на фалсификувани платежни картички. Кога станува збор за овој вид криминал, во првите шест месеци од годинава откривањето на вакви случаи бележи значително зголемување од 36,8 проценти. За разлика од лани кога во првото полугодие биле откриени 19 кривични дела од областа на компјутерскиот криминал, годинава целосно се документирани се 29 кривични дела. Во овие дела значително зголемена е направената материјална штета која во првото полугодие достигна 19,5 милиони денари, додека истата лани изнесуваше 2,8 милиони денари. Единствено бројот на осомничени лица кои ги извршиле овие дела и кои за себе прибавиле противправна имотна корист е на слично ниво, односно во кривичните дела е утврдено дека биле инволвирани 34 осомничени лица, додека лани во документираните случаи биле пријавени 36 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претставувајќи се како божји човек кој крши магии, скопјанец дошол до 400.000 евра од сопружници, барале помош за синот

Педесетчетиригодишен маж од селото Трубарево, скопско, е приведен поради сомнеж за измама, со што се стекнал со противправна имотна корист од околу 400.000 евра.
Според пријава поднесена во полицијата во Штип, од страна на Б.Д. (76) од Берово, во периодот од 2022 до 2025 година осомничениот Д.И. (54) со лажно прикажување на факти го довел во заблуда пријавителот и неговата сопруга М.Д. Притоа се претставувал како „Божји човек“ со наводни паранормални способности – бајач и истерувач на магии, тврдејќи дека над нивниот син е направена магија која го загрозува неговото здравје и живот.

Фото: МВР
Во тој контекст, оштетените во повеќе наврати на различни локации во Скопје и Берово му давале парични средства од 5.000 до 6.000 евра за помош, при што во вкупниот период пријавениот се стекнал со 400.000 евра.
По пријавата, полициски службеници од СВР Штип, во соработка со ОВР Берово, Одделот за криминалистичка полиција и СВР Скопје, а по насоки на јавен обвинител од ОЈО Кочани, спроведоа оперативни активности. Парите што оштетениот имал намера да му ги даде на осомничениот биле претходно крим-технички обработени.

Фото: МВР
На 4 јули во Берово биле приведени Д.И. и неговата мајка Д.И. (76). При претрес кај нив биле пронајдени 3.000 евра, како и други предмети поврзани со делото. По спроведените активности, против двете лица е поднесена кривична пријава и се изведени пред судија за претходна постапка во Основниот суд во Кочани.

Фото: МВР

Фото: МВР

Фото: МВР

Фото: МВР
Топ
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки

Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка патека на кејот на Вардар кај Паркот на франкофонијата. Обвинителството утрово соопшти дека вложило жалба на одлуката за куќен притвор.
По информацијата дека двапати претходно бил осудуван, од Обвинителството информираа дека дека кај нив е евидентиран со предуда за насилство како малолетник, а потоа и уште една за здравствени прописи во време на Ковид кризата.
Несреќата се случи на 1 јули, кога осомничениот управувајќи мотоцикл „кавасаки“ без дозвола, удри во пешакот Николовски. Според информацијата од Обвинителството, тој возел преку површина наменета за движење на пешаци и не се придржувал кон прописите. Кога дошол во близина на зградата, не ја прилагодил брзината на движење на моторот. Покрај тоа, управувал без да поседува возачка дозвола и на недозволено место, па со левиот страничен дел од мотоциклот удрил во телото на пешакот Југослав Николовски, кој се движел по пешачката патека. При ударот, оштетениот останал да лежи повреден на патеката, а возачот и неговиот сопатник паднале на коловозот.
Пешакот се здобил со тешки телесни повреди поради кои следното утро починал, а полесно повреден бил и сопатникот на моторот. Наместо да укаже помош, осомничениот го оставил мотоциклот и другите двајца повредени и пеш го напуштил местото, соопшти обвинителството.
Обвинителството бараше притвор поради фактот дека осомничениот веднаш по настанот избегал од местото на несреќата и извесен период бил недостапен за органите на прогонот, што за јавниот обвинител е потврда за опасноста тој повторно да се даде во бегство. Дополнителна причина за барањето за притвор е и тоа што претходно бил осудуван.
Топ
17-годишник загина во сообраќајка во Кичево – возел мотор и се судрил со „ауди“

Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало мотоцикл „хамачи“.
Околу пладне, на пресекот на улиците Борис Кидриќ и Мирко Милески, тој се судрил со „ауди“ со кичевски регистарски ознаки, управувано од А.Е.(22) од кичевското село Стрелци, соопшти полицијата.
Малолетното момче со тешки повреди не успеало да стигне до клиниката „Мајка Тереза“ во Скопје, пришто за време на транспортот им подлегнало на повредите, а доктор од Итната медицинска помош, констатирал смрт.
Извршен е увид, а врз телото ќе биде извршена обдукција.