Свет
Смена на функционерите што го кријат имотот
Од 2003 до крајот на 2005 година биле поднесени 156 барања за прекршочни постапки против функционери кои не го пријавиле имотот
АНТИКОРУПЦИСКА КОМИСИЈА
Од 2003 до крајот на 2005 година биле поднесени 156 барања за прекршочни постапки против функционери кои не го пријавиле имотот
Треба да бидат сменети функционерите што не го пријавуваат својот имот, смета Државната комисија за спречување на корупцијата и тоа ќе им го предложи на Собранието, Владата, локалната самоуправа и другите органи и јавни претпријатија што избираат и назначуваат носители на јавни функции.
Во информацијата, која ќе биде доставена до Собранието, Владата, Републичкиот судски совет и до Врховниот суд, комисијата бара и да се зголеми ефикасноста при решавањето на прекршочните пријави против таквите функционери и да се изрекуваат построги санкции. Таа се критикува и самата што не учествува доволно во жалбените постапки по изречените санкции.
Според информацијата што била усвоена на вчерашната седница на комисијата, од 2003 до крајот на 2005 година биле поднесени 156 барања за поведувања прекршочни постапки против функционери кои не го пријавиле имотот или промените во него. Од нив, 92 барања се однесувале на членови на Управни одбори, јавни претпријатија, фондови, агенции и банки, 16 биле против директори и нивни заменици, 12 против основни судии, по три против пратеници и државни секретари други.
– Од вкупниот број поднесени барања, судовите решиле 90 предмети, а за 68 постапката се уште не е завршена. Од решените, 21 функционер е казнет парично. Казните изнесуваат од 20 до 50 илјади денари. Наспроти тоа, колку за илустрација, 12 лица се казнети со парични казни од 3 до 5 илјади денари, а пет со 20 илјади денари. Тоа не е ни половина од предвидените казни во законот – вели Михајло Маневски, претседател на Антикорупциската комисија.
Судовите изрекле само прекршочни опомени против 36 лица, а предметите против 25 функционери застареле поради бавноста на судовите.
– Оценивме дека и самата комисија не се ангажирала доволно во жалбените постапки против донесените судски одлуки. Сме обжалиле само шест пресуди. Критични сме и оценивме дека и самите треба повеќе да се ангажираме во овој дел од постапката – вели Маневски. (Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.