Свет
Ја плативме "Билјана" а не ни ја даваат
Славе Милошоски и неговиот син Зоран објектите и недвижниот имот на охридска "Билјана" ги купиле на јавна судска лицитација и за нив платиле вкупно 300 илјади евра, пари што таткото ги заработил во Германија а синот во САД како финансиски аналитичар
ИНВЕСТИТОРИ ВО ОХРИД ОСТАНАА И БЕЗ ПАРИ И БЕЗ ФАБРИКА
Славе Милошоски и неговиот син Зоран објектите и недвижниот имот на охридска "Билјана" ги купиле на јавна судска лицитација и за нив платиле вкупно 300 илјади евра, пари што таткото ги заработил во Германија а синот во САД како финансиски аналитичар
Иако уште лани на почетокот на ноември, на јавна лицитација, спроведена од Основниот суд во Охрид, охридската фирма "Словин-Тем-Хем Продукт" го купила недвижниот имот на фабриката за безалкохолни производи "Билјана" од Охрид, купените објекти се уште во целост не и се предадени. Сопственикот на "Тем -Хем" Славе Милошоски вели дека за "Билјана" платил 300 илјади евра, а заедно со неговиот германски партнер уште 25О илјади евра вложиле во опрема.
"Јас ја вложив целата моја заштеда од долгогодишната работа во Германија. Мојот син Зоран ја напушти сигурната и добро платена работа во компанијата Боинг во Сиетал, САД, како финансиски аналитичар со постдипломско образование. И тој со целата своја заштеда се вклучи во нашата фирма. Зедовме и кредити. Најголема штета, сепак, ќе претрпат земјоделците оти имавме намера да правиме бистри сокови од јаболка и друго овошје што расте на овие простори", објаснува Милошоски.
Неговиот син Зоран Милошоски вели дека правдата ќе ја бараат до крај. За целава оваа рашомонијада околу купувањето на "Билјана" таткото и синот главната пречка ја лоцираат во Основниот суд во Охрид и некои други судски инстанци, бидејќи и покрај извршното решение на овој суд, кое три пати било потврдено со решенија од Апелациониот суд во Битола, не се извршувало примопредавање на нивните објекти во "Билјана".
Милошоски напоменува дека набргу ќе треба да отпочне со исплата на каматите за парите земени за набавка на опрема, што ќе преставува голем удар за неговата фирма, бидејќи не може да почне со производство во објектите што ги купил.Ако случајот не се реши во Македонија, најавува дека правдата ќе ја бара во Стразбур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.