Спорт
Њујорк повторно загуби
Екипата на Њујорк Никс, во Чикаго, го забележа шестиот последовен пораз, со што го доведе во прашање пласманот во разигрувањето.
Екипата на Њујорк Никс, во Чикаго, го забележа шестиот последовен пораз, со што го доведе во прашање пласманот во разигрувањето. Чикаго, кој го има најдобриот резултат во Источната конференција, натпреварот го преломи во финишот, кога со неколку добри одбрани неговите играчи стекнаа предност од пет поени. Дерик Роуз со 32 поени, 7 асистенции и 6 скока беше најефикасниот играч на Чикаго, во победата од 104:99. Никси ги предводеше Кармело Ентони со 21 поен. Осмото место на истокот од Њујорк го презеде Милвоки, чии кошаркари победија во Њу Џерси со 105:99. Брендон Џенигс со 34 поени и по 7 скока и асистенции го предводеше својот тим до победата. Кај Џу Џерси, кој игра без двајцата најдобри Вилијамс и Лопез, најефикасен беше Крис Хемфриз со 31 поен. Сан Антонио очекувано, забележа лесна победа над Вашингтон. Во триумфот од 112:97, блескаше Тони Паркер кој постигна 31 поен. Шарлот ја запиша шестата победа во шампионатот, откако го совлада Њу Орлеанс со 73:71. Хендерсон со 16 и Вокер со 14 поени беа најефикасни во редовите на екипата која го има најлошиот резултат во лигата.Јута го победи Детроит со 105:90 и покрај тоа што Пистони го имаа најефикасниот играч на натпреварот. Родни Стаки на Јута и уфрли 29 поени. Минесота беше подобра од Феникс 127:124, Кевин Лав постигна 30 поени, идентично остварување на спротивната страна имаше Џеред Дадли, додека ветеранот Стив Неш натпреварот го заврши со 25 поени и 10 скока. По поразот од Лејкерси, Бостон сепак успеа да забележи победа во Лос Анџелес. Селтикс ги совладаа Клиперси со 94:85. Пирс постигна 25, Гарнет 21, а Ален 15 поени во победничкиот тим. Клиперси ги предводеа Блејк Грифин со 24 и Мо Вилијамс со 21 поен. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.