Израелската војска соопшти дека сите региони во земјата се вратиле на нормални активности без ограничувања од 20 часот (19:00 часот по локално време).

„По проценката на ситуацијата и одобрението од министерот за одбрана Израел Кац, беше одлучено дека промените во одбранбените упатства на Командата на домашниот фронт ќе бидат спроведени веднаш, со почеток во 20 часот“, се вели во соопштението.

„Како дел од промените, сите области во земјата ќе продолжат со нормални активности без ограничувања.“

Се вели дека заедниците во близина на Појасот Газа „остануваат предмет на упатствата на Јужната команда“.

Ваквата одлука доаѓа по договорот за прекин на огнот меѓу Израел и Иран.

Иранскиот претседател, Масуд Песекијан, изјави дека Техеран е подготвен да ги реши разликите со САД врз основа на меѓународни рамки.

Според официјалната иранска новинска агенција ИРНА, како што пренесува „Ројтерс“, Песекијан ја даде изјавата за време на телефонски разговор со саудискиот престолонаследник, Мохамед бин Салман.

Во меѓувреме, началникот на Генералштабот на израелската армија, Ејал Замир, изјави дека армијата е „на крајот од значајно поглавје, но кампањата против Иран не е завршена“, објави „Ројтерс“.

Замир рече дека моменталниот фокус на армијата е враќање во Газа за враќање на израелските заложници и „демонтирање на владеењето на Хамас“.

По веста за прекин на огнот, ирачкиот воздушен простор е повторно отворен за меѓународни пристигнувања и заминувања до и од Техеран.

Стотици пожарникари се борат со пожарите на грчкиот остров Хиос трет ден по ред. Пожарите опустошија големи површини шума и обработливо земјиште и принудија стотици жители да се евакуираат, откако на островот беше прогласена вонредна состојба.

Како што пишува „Ројтерс“, повеќе од 400 пожарникари, со помош на 14 хеликоптери и четири авиони, се распоредени на неколку локации на островот во североисточниот дел на Егејското Море.

State of emergency as wildfires ravage Chios #Greece forcing evacuations and power outages amid strong winds#Wildfire #Greek #Balkans #Europe #Chios #Crete #Island #Forestfire #Fire #Grassfire #summer #heatwave #Climate #Weather #Viral pic.twitter.com/mx0HtJhXuR

— Earth42morrow (@Earth42morrow) June 24, 2025

Хиос моментално е во средината на туристичката сезона, а властите се обидуваат да спречат пожари да ги зафатат областите познати по производството на мастика, природна смола добиена од мастикови дрвја.

Пожарникарите, жителите и волонтерите се бореа да го спречат ширењето на пожарот кон селото Агиос Ѓорѓиос Сикусис.

„Пожарот се приближи до куќите“, изјави за „Ројтерс“ локалниот жител Стаматис Зеонидис, но додаде дека волонтерите успеале да го држат пожарот настрана.

„Ситуацијата е многу тешка, има многу отворени фронтови и многу села“, рече волонтерот Андонис Микудис. „Ги напуштивме нашите работни места за да дојдеме тука. Веруваме дека ќе успееме да направиме нешто.“

„Сцените беа застрашувачки“, рече друг волонтер, Јоанис Псилос. „Но, фала му на Бога, сè ќе биде во ред и пожарот нема да се прошири подалеку јужно од Хиос.“

Грчките власти денес издадоа ново предупредување, советувајќи ги жителите на селата југозападно од Хиос, главниот град на островот, да ги напуштат своите домови.

The wildfires on the Greek island of Chios. So far 62,000 acres have already burned on the island #Greece #Wildfire #Keep1point5 @GeraldKutney @rhosking252 @MikeHudema @KeithMcNeill6 pic.twitter.com/Yd58lm3322

— Adebola TheClimateEduFeminist (@D_edufeminist) June 24, 2025

„Сè уште е потребна многу работа за да се стават пожарите под контрола“, изјави функционер на грчката противпожарна служба.

Тој додаде дека северните ветрови го отежнуваат гаснењето уште повеќе.

Грција, која се наоѓа на крајниот југ од Европа, често е погодена од пожари во текот на топлите и суви лета, но властите ги обвинуваат брзите климатски промени за сè поразорните пожари во последните години.