Надеж за унапредување на демократските процеси во поглед на слободата на говорот и обезбедување на поголема независност во македонското новинарство, изразија дискутантите на денешната дебата „Слобода наместо страв“.

Надеж за унапредување на демократските процеси во поглед на слободата на говорот и обезбедување на поголема независност во македонското новинарство, изразија дискутантите на денешната дебата „Слобода наместо страв“.„Македонија е претворена во црно-бела приказна и се што е сиво мора да оди на едната или на другата страна,“ заклучи Роберто Беличанец од Центарот за истражување и развој на медиуми на дебатата во која учествуваа и Јосиф Ќурчиев – новинар, Ерол Ризаов – извршен директор на Утрински Весник, Маргарита Цаца Николовска – Претседател на Институтот за човекови права, и Сефер Тахири – професор на ЈИЕ – Тетово.

Учесниците се осврнаа на заштита на правото на изразување на мислата од аспект на новинарите и медиумите како и за ставот на новинарите во поглед на правото на здружување и јавен протест во Република Македонија по случувањата во изминатиот период.„Ако ги погледнеме извештаите на меѓународните организации за слободата на медиумите, ќе видите дека ако ги тргнеме параметрите како што се број на убиени новинари или број на затворени весници, по другите параметри Македонија е речиси последна во Евроазискиот регион,“ рече Беличанец.Главен фактор за цензура во медиумите, според Сефер Тахири, е сопственоста на медиумите бидејќи сопствениците кои се политички активни ја наметнуваат цензурата на главните уредници а понатаму таа се проширува и кај новинарите што на крај произведува и автоцензура на самите новинари.„Поради недостатокот од дебата или водењето на дебати помеѓу истомисленици, јас предвидувам дека ќе се јават нови форми на отпор, инаку Македончето нема да си ја заслужи државата,“ изјави Ерол Ризаов говорејќи за дебатите како клучен фактор за демократија во едно општество.Маргарита Цаца Николовска, истакна дека би сакала во брзо време да види барем една пресуда од Уставниот суд на Македонија во која новинарите ќе го образложат кршењето на правото на слобода на изразување.Дебатата ја организираше невладиниот Институт за човекови права./крај/ко.