Забава
Виа Игнација караван низ Македонија
Пешачка караван тура, која де движи по патот Виа Игнација ќе пристигне од Албанија на граничниот премин со Македонија кај Ќафасан на 7 мај
Пешачката тура, придружена од магариња и маски, кои го носат багажот е организирана од фондацијата Виа Игнација (www.viaegnatiafoundation.eu), по трасата на стариот римски пат, во вид на стар караван. По пат се вршат истражувања, интервјуа и се собираат материјали кои ќе се искористат за книга за Виа Игнација. Турата е мешавина на експедиција од деветнаесеттиот век и современ настан за јавна промоција. Меѓународен екипаж луѓе кои веќе се вклучени во проектот, се движат по патеката, но може да се приклучат и луѓе кои сакаат да придонесат за проектот со своите вештини, знаење, енергија и ентузијазам.Холандската амбасада во Скопје ја поддржува оваа активност како дел од поголем проект наменет за ревитализација на стариот римски пат Виа Игнација, кој се протегал од Рим преку Бриндизи, го поминувал морето кај Драч од албанска страна, и оттаму продолжувал кон Истанбул преку Албанија, Македонија и Грција. Оваа реанимација има многу форми: научни истражувања, културна размена, и практична соработка во развојот на стариот пат во прекугранична пешачка патека, со истражување на неговиот економски и туристички потенцијал. Стариот римски пат е неполитички симбол на модерна комуникација меѓу земјите, начин на запознавање на луѓе и начин на кој културите се среќаваат една со друга.Холандската амбасадорка, Симоне Филипини, ќе биде на граничниот премин да до пречека караванот. Неколку македонски високи претставници се поканети да се придружат на првите неколку километри во Македонија, заедно со амбасадорите на земјите низ кои минува стариот Виа Игнација. Од холандската амбасада ја каниат македонската јавност да се придружи на турата, која ќе се движи од граничниот премин долж брегот на Охридското езеро, до селото Радожда, потоа до Калишта и до Струга, а подоцна и до Охрид. Турата продолжува неколку дена до Битола, па до граничниот премин Меџитлија, каде треба да пристигне на 18 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.