Македонија
Отказот на Димитров – поголем раскол во државниот врв
Нема усогласување и единство во изградбата на национална стратегија по однос на спорот за името откако претседателот Бранко Црвенковски го разреши преговарачот Никола Димитров и ја остави државата без свој застапник во преговорите што се водат со Грција под покровителство на ОН
Три дена по отказот на Димитров, Црвенковски и владиниот врв се во постојана кавга за тоа кој повеќе направил или наштетил во преговорите.Министерот за надворешни работи Антонио Милошоски денеска ги негира вчерашните информации кои на бриинг ги изнесе Претседателот дека американските партнери сугерирале во наредните дваесетина дена Македонија да даде конкретни забелешки на предолгото на медијаторот Нимиц. Спротивно на него, Милошоски тврди дека последните идеи на посредникот Метју Нимиц треба да бидат заокружени со еден конечен предлог, па дури тогаш Македонија ќе треба да се произнесе по нив. „Буквално никој не споменува, но колку што е можно поскоро е дефиницијата која сите ја знаеме и се трудиме да ја запазиме, во која ние очекуваме да се случи еден конечен предлог. Но, за жал со ваквата постапка на господинот Црвенковски, мислам дека и доколку постоеле сега се доведени под знак прашалник”, изјавува Милошоски. Дека сепак постојат одредени рокови кои на Македонија и се дадени говорат и последните изјави на високиот американски дипломат Даниел Фрид кој деновиве од Вашингтон порача Скопје и Атина да се потрудат да најдат решение во неколкуте недели кои остануваат до министерскиот состанок на НАТО на кој членки ќе станат Албанија и Хрватска. Премиерот Груевски пак без да изложи зошто во соочувањето по повод 100 дена на оваа влада рече дека во наредните 40 дена Македонија ќе биде изложена на голем притисок. Високи владини извори, дента после разрешувањето на Димитров тврдеа дека роковите на Груевски се однесуваат на чекањето на конечниот предлог, кој на последната средба помеѓу македонскиот преговарачки тим од Димитров и Мартин Протуѓер со Нимиц во Њујорк дал јасни насоки и најави дека конечен предлог ќе има. Дипломатски извори, исто така откриваат дека можно е да се очекува уште еден сет на идеи на медијаторот кон средината на декември. Како Македонија ќе го дочека предлогот се уште не се знае со оглед на тоа дека сега нема официјален застапник и преговарач. Црвенковски, пак стои на ставот дека разликите се единствено во пристапот за решавање на проблемот. Така, двојната формула зад која стои владата како македонската позицијата според претседателот Црвенковски нема да донесе решение туку напротив тоа ќе значи како што брифираше дека Македонија сама го прекинува процесот на преговорите. Милошски неговиот повик Владата да ја ревидира позицијата го коментира како потег наменет пред се за домашна употреба: „Мислам дека премногу се изјавите на господинот Црвенковски наменети за внатрешната јавност и градењето илузија дека одредени позиции можат да ги закочат позициите на самиот разговор. За грчката позиција сите се свесни дека не е остварлива, но никој во Грција, најмалку нивниот претседател тврди дека тоа може да ги закочи или да ги стопира преговорите.”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Со вонреден инспекциски надзор ќе се утврдува дали има пропусти во лекувањето на починатото бебе
Во Клиничкиот центар ,,Мајка Тереза” во Скопје утрово починало 14-месечно бебе. Директорот на Државниот санитарен и здравствен инспекторат (ДСЗИ) Кирил Лазов вели дека ќе изврши вонреден инспекциски надзор во здравствените установи каде починатото бебе било претходно лекувано, со цел да се утврди вистинитоста за евентуални пропусти во лекувањето.
Државниот санитарен и здравствен инспекторат (ДСЗИ), согласно надлежностите, ќе изврши вонреден инспекциски надзор во здравствените установи, каде починатотото бебе било претходно лекувано.
Како што веќе објавивме, рано утринава на Клиниката за детски болести во Клиничкиот центар „Мајка Тереза“ во Скопје, почина 14-месечно девојче.
Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат, оштетиле инвентар во болницата откако починало детето на В.С., информира МВР.
Бебето било донесено со Итна медицинска помош во болницата околу 03.45 часот, а причините за смртта дополнително ќе се утврдуваат.
„Денеска (05.10.2024) во СВР Скопје е пријавено дека околу 04.50 часот на Детската клиника во Клинички центар ‘Мајка Тереза’ В.С. (29) од с. Гошинце и неговиот брат Б.С. (35) од с. Гошинце оштетиле инвентар во болницата откако починала едногодишната ќерка на В.С., која, според пријавеното, била донесена со Итна медицинска помош во болницата околу 03.45 часот. Се преземаат мерки за расчистување на настанот“, велат од МВР.
Македонија
Во понеделник неколку улици во Скопје ќе бидат затворени поради посетата на Вучевиќ
Во понеделник во Скопје ќе има посебен режим на сообраќај поради официјалната посета на претседателот на Владата на Република Србија, Милош Вучевиќ, соопшти МВР.
„СВР Скопје ги известува граѓаните на Скопје дека на 07.10.2024 (понеделник) поради официјална посета на претседателот на Владата на Република Србија, Милош Вучевиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје“, се наведува во соопштението.
СВР Скопје апелира до граѓаните да ги почитуваат наредбите што ги издаваат полициските службеници.
Македонија
Возачот кој што во ауди шверцувал марихуана се исплашил од полицијата, бегал, но го фатиле
Основното јавно обвинителство Битола донесе Наредба за спроведување истражна постапка против лице од струшко Калишта за кого постои основано сомнение дека сторило кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.
„Осомничениот, на 4 октомври, во близина на Сопотница, со автомобил „ауди” не застанал на даден знак – стоп од полициски службеници од Демир Хисар кои вршеле сообраќајна контрола на возила и возачи. Со голема брзина се упатил кон крстосницата за Крушево, застанал на коловозот, излегол од возилото и започнал да изнесува наркотична дрога од возилото покрај патот. Полицајците го затекнале и од него одзеле околу 51 килограм наркотична дрога марихуана спакувана во повеќе пакувања“, соопшти Јавното обвинителство.
За истото кривично дело, Основното јавно обвинителство Скопје поведе истрага против скопјанец во чиј автомобил, на граничниот премин Блаце при влез во земјава, биле откриени околу 36,5 килограми издробени вршунки од канабис спакувани во четири големи куфери.
За двајцата осомничени надлежните јавни обвинители доставија предлози за определување мерка притвор.