Македонија
Жртвите на семејно насилство добија советувалиште

Жртвите на семејно насилство добија ново советувалиште во просториите на основното училиште „Коле Неделковски“ во Скопје.
Жртвите на семејно насилство добија ново советувалиште во просториите на основното училиште „Коле Неделковски“ во Скопје.
Советувалиштето за децата и родителите, жртви, ќе работи секој работен ден од 16 до 20 часот, а со нив ќе работи тим од социјални работници , педагози и психијатри.
Предвидена е и групна терапија со 10 до 15 родители, а во посебна просторија ќе се работи со децата жртви на семејно насилство.
„Моменталниот капацитет на центрите не може да одговори на сите потреби на жртвите. Ние само во последната година по интензивирањето на кампањата за борбата против семејно насилство имаме 500 нови случаеви годишно “, рече заменик министерот за труд и социјална политика , Спиро Ристовски.
Ристовски рече дека прашањето за бројот на жртвите ќе доведе до негативна статистика.
„Повторувам дека тоа не е пораст на жртвите туку пораст на свеста кај лицата да пријавуваат дека се жртви на семејно насилство“, рече Спировски.
Тој додаде дека во план е отворање на нови прифатилишта, и дека добил ветување од повеќе градоначалници на општините дека ќе обезбедат простор, а МТСП ќе обезбеди кадар.
Советувалиштето се отвора во рамките на заедничката програма на ОН, Општината Центар и Министерството за труд и социјална политика.
Претставникот на УНИЦЕФ, Шелдон Јет на отварањето рече дека оваа програма им помогнала на стотици жртви на семејно насилство и дека 20 отсто од децата во светот се сведоци на истото./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.