Македонија
Жбогар: Обновата на политичкиот дијалог поважна и од спорот за името
Позначајно за Македонија, во овој момент од решавање на спорот со името, е да се обнови политичкиот дијалог во државата со цел опозицијата да се врати во парламентот и сите партии да излезат на изборите.
Позначајно за Македонија, во овој момент од решавање на спорот со името, е да се обнови политичкиот дијалог во државата со цел опозицијата да се врати во парламентот и сите партии да излезат на изборите.До ваков заклучок дојде шефот на словенечката дипломатија, Самуел Жбогар, за време на тридневната посета на Македонија.„Гледам дека во овој момент позначајно е како да се обнови политичкиот дијалог во Македонија и како да се обнови работата на парламентот. Би апелирал опозицијата и владата да се договорат како опозицијата да се врати во парламентот и како да се врати политичкиот дијалог таму каде што му е местото“, изјави Жбогар по средбата со неговиот македонски колега Антонио Милошоски.Жбогар укажа дека во Љубљана, но и во Брисел многу внимателно се следи како ќе се реши актуелната политичка криза во Македонија „Европската комисија (ЕК) даде свое мислење во врска со исполнување на критериумот за отпочнување на преговорите со Македонија. Сега многу внимателно се следи како ќе се реши политичка криза во Македонија. Мислам дека е потребен дијалог кој ќе овозможи опозицијата да се врати во парламентот“, рече Жбогар.Тој ја нагласи потребата сите политички партии да учествуваат на изборите, изразувајќи уверување дека политичките водачи се свесни дека луѓето се тие кои што ќе и дадат мандат на владата.Констатирајќи дека овој период пред предвремените избори не е поволен за решавање на прашање за името, Жбогар рече дека меѓу првите приоритети на новата влада е да го надмине тој спор, со што би се решиле и сите други проблеми поврзани со ЕУ и со НАТО.Жбогар повтори дека Словенија останува гласноговорник на Македонија во нејзините евроатлантски интеграции и оцени дека е дојдено време Македонија да стане членка на ЕУ и НАТО.Министерот Милошоски се сложи со констатациите на Жбогар околу значењето на политичкиот дијалог и укажа дека постои опасност Македонија, поради бојкотот на опозицијата на парламентот, да го загуби својот имиџ во Европа.„Местото на политичкиот дијалог му е во Собранието. Функционирањето на македонското Собрание не е важно само за политичкиот дијалог туку и за угледот на државата во очите на економската јавност. Враќањето на опозицијата во парламентот ќе значи и зачувување на онаа репутација, која што досега сме ја имале како функционална држава во услови на едно мултиетничко општество“, рече Милошоски.Тој индиректно предупреди дека постои опасност Македонија дури да ја загуби препораката за почеток на преговорите со Европската унија, истакнувајќи дека таа препорака е добиена врз основа на исполнети политички критериуми.„Еден од основните политички критериуми е функционалност на легитимно избраните институции, во случајов се работи за Собранието кое што е една стожерна институција за парламентарната демократија. Нејзината функционалност во многу значи за критериумот исполнување политички услови за отпочнување на преговорите. Сметам дека бојкотот на опозицијата на македонското собрание не оди во прилог на нивото до кое бевме стигнале согласно извештаите на ЕК за 2009 и 2010 година“, рече Милошоски.Двајцата министри на денешната средба разговарале и за низа други прашања, при што доминирала економијата. Констатирано било дека постои голем простор за натамошно продлабочување на економската соработка. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.