Спорт
Гана не успеа да направи историски успех во првата мундијалска драма
Неверојатно драматичен меч во кој Асамоа Гиан во последната секунда од второто продолжение не успеа да реализира пенал за Гана со што ја одведе својата репрезентација во пенал рулетот
Уругвај по цели 40 години се квалификува во полуфиналето. Нивниот четвртфинален меч со Гана во кој по изведувањето на пеналите победија со вкупен резултат од 5:3 (1:1 во регуларниот тек и продолжувањата од двапати по 15 минути) ги покажа сите убавини на фудбалската игра и возбудата на мундијалските натпревари. Следевме целосно исполнет меч со два убави гола во регуларниот тек, надигрувања, максимално залагање од сите играчи што истрчаа на теренот во Јоханесбург, продолжетоци, црвен картон и пенал во последната секунда и бравурозни голмански интервенции.На „Сокер сити“ пред 84 илјади гледачи стадионот Уругвајците ги одбраа за изведување на ударите од 11 метри најподготвените и најискусни играчи а на голот го имаа Муслера кој е позната како одлиен проценувач на ударите од белата точка. Во полуфиналето во вторник во Кејптаун ќе се сретнат со Холандиај која во петок претходно го совлада Бразил со 2:1.Гана поведе во втората минута од судиското продолжене на првото полувреме. Мунтари од 20 метри шутираше силно кон уругвајскиот гол, а топката доби чудна патека и го изненади Муслера. Изедначувањето стигна во 55. минута, откако Диего Форлан изведе прекрасен слободен удар. Младите репрезентативци на Гана имаа повеќе од играта, особено по изедначувањето и покажаа силна желба да го постигнат најголемиот успех што некоја африканска репрезентација го достигнала на светските фудбалски првенства. Тоа ко покажува и бројката удари кон голот, Гана имаше 26 наспроти противничките 14, но меѓу стативите на двете страни стоеја сигурните Кинсон за Гана и Муслера за Уругвај.Се чини, сепак, и покрај завидната играчка поткованост и зрелост во играта, преголем товар беше можниот пласман во полуфиналето. Кога португалскиот Беквененса требаше да отсвири крај, Ганците изведуваа корнер Муслера имаше лоша проценка на летото на топката а Апиа зад неговиот грб и биеше кон голот каде од во вториот обид Суарез со рака не дозволи топката да ја мине гол-инијата. Тој беше исклучен од игра, што веќе не беше важно затоа што судиското свирче веќе го означи крајот на мечот вендаш по изведувањето на најстрогата казна. Асамоа Гиан кој претходно беше прецизен од белата точка против Србија и САД во мечевите од групата, од која Гана и Германија се пласираа за нокаут фазата, биеше силно но само во пречката. Со тоа пропадна можноста Гана да стане единствената африканска репрезентација која се пласирала во полуфинале на светско фудбалско првенство и да ја зголеми африканската фудбалска треска. Уругвајците подобро го почнаа мечот доминирајќи на средината од теренот и почесто стигнуваа до голот на Гана. Но првата сериозна прилика ја имаа во 26. минута кога Суарез од врвот на шеснаесетникот биеше прецизно но Кинсон со крајни напори ја стигна топката префрлувајќи ја преку пречката. По оваа полчасовна доминација на Уругвајците, Гана во 31. минута пропушти две шанси. Прво Ворса со глава а потоа и Гиан од 15-ина метри биеја блиску покрај стативите.Малку подоцна уругвајското темпо опадна откако во 38. минута заради повреда играта мораше да ја напушти капитенот и најдобриот играч дотогаш во одбраната Диего Лугано на чие место влезе Скоти, по што Гана стана се’ поопасна по голот на Муслера, што на крајот од полувремето резултираше со голот на Салеи Мунтари. Паузата добро им дојде на Уругвајците и релативно брзо, само по десет минути во второто полувреме успеаја да изедначат. Гана имаше поголем процент на посед на топката, од 52 отсто и повеќе шутеви, но поретките напади на Уругвај беа поопасни, Во 63. минута Суаре на додавање од Форлан не беше прецизен, во 70.тата Фусиле и Лодеиро пвотроно му подготвија добра прилика на Суарез чиј шут од десетина метри Кинсон повторно одлично го одбрани. Голманот на Гана излезе победни во дуелот со Суарез и во 78. минута. При крајот од регуларниот тек од мечот, во 82. минута Максимилјан Пареира наместо да проигра некој од неговите соиграчи кои беа во поповолни позиции се реши да шутира од 20-ина метри. Во продолженијата дојде до израз младоста на фудбалерите на Гана кои по внимателната игра во првиот продолжеток во вториот ги притиснаа противниците во нивниот шеснаесетник а во 120. минута дојде и кобниот момент. Суарез кој не успеа да стане херој погодувајќи од неколку добри шанси, стана јунак кога пред последниот свиреж на судијата прво со нога а потоа со рака не дозволи топката што ја упатуваше Апиа да влезе во ургувајскиот гол, а несреќниот Гиан од беалта точка ја погоди пречката. Тоа, како што се покажа подоцна не влијаеше многу врз него, затоа што сигурно го реализираше првиот пенал во серијата, но очигледно влијаеше врз неговите соиграчи. Но овој меч беше до крај драматичен, Форлан пред Гиан го доведе во водство Уругвај, во втората серија сигурни беа Виторино и Апиа, а во третата серија откако повторно Уругвајците дојдоа во предност преку Скоти, Џон Менсах беше запрен од Муслера. Но во четвртата серија Пареира шутира високо преку голот на Гана, а Муслера повторно брани овојпат пеналот на Доминик Аидијиа, но сепак во петата серија Себастиан Абреу е прецизен и Уругвај по четири децении оди во полуфиналето потсетувајќи дека сепак станува збор за некогашни светски прваци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња преку Интер до финалето на Суперкупот
Актуелниот освојувач на Купот на Италија, Болоња, ќе се бори за трофејот во Суперкупот. Болоња во Ријад го победи Интер по изведувањето пенали со 3.2. Во регуларниот дел натпреварот заврши 1:1.
Интер беше подобар во текот на целиот натпревар, но тоа не успеа да го претвори во победа. Турам му донесе предност на Интер во втората минута. Болоња изедначи од пенал во 35-та минута, преку Орослини.
Во пенал серијата, во херој се претвори голманот на Болоња, Раваља. Тој ги одбрани ударите на Бастони и Бони, а Барела шутираше над голот.
Финалниот натпревар се игра в понеделник од 20 часот. Противник на Болоња ќе и биде актуелниот првак Наполи.
Спорт
Алекс Фергусон: Можно е Манчестер Јунајтед уште 10 години да не биде шампион
Легендарниот менаџер на Манчестер Јунајтед, Сер Алекс Фергусон, даде загрижувачка прогноза за иднината на клубот, предупредувајќи дека може да помине уште една деценија пред повторно да го кренат трофејот од Премиер лигата.
Јунајтед ја освои последната титула во лигата во 2013 година, точно во последната сезона на шкотскиот стручњак на клупата.
Фергусон денес има 83 години и освои 13 титули во англиското првенство и две Лиги на шампиони со Јунајтед. Тој го водеше клубот 27 години, од 1986 до 2013 година.
Според Фергусон, клучната причина за долгогодишниот пост лежи во лошиот избор на играчи. Тој истакна дека подобрувањето на процесот на регрутирање и доведување засилувања е неопходен предуслов за враќање на клубот на патеките на старата слава.
Тој посочи три нови играчи, за кои смета дека се засилувања
„Аморим е добра личност, не му е лесно. Кога јас пристигнав, Ливерпул беше одличен. Тие беа европски шампиони, но потоа им требаа 30 години за повторно да ја освојат титулата во англиската лига. Таква е ситуацијата со Јунајтед. Може да потрае уште десет години пред да ја освоиме титулата во лигата.
Мора да се погрижиме да доведеме подобри играчи. Голманот Ламенс беше доведен за да направи разлика. Тој е млад, агилен, висок и знае како да игра со рацете и нозете. Тука се и Мбеумо и Куња, за кои мислам дека исто така ќе бидат од голема помош“, им рече Фергусон на новинарите во Бахреин.
Foto/ depositphotos
Спорт
Гвардиола: Сити мора да се подготви за моето заминување
Тренерот на Манчестер Сити, Пеп Гвардиола, изјави дека клубот „мора да се подготви“ за да го испланира неговото заминување и да пронајде наследник. Иако Шпанецот има договор до крајот на сезоната 2026/27, гласни се шпекулациите дека ќе замине по заврпувањето на сезоната. Би-Би-Си пишува дека клупските челници веќе го започнале процесот на барање потенцијални кандидати за негова замена.
За време на неговата кариера во Сити, која ја започна во 2016 година, Гвардиола се етаблираше како една од најважните фигури во историјата на клубот, освојувајќи шест титули во Премиер лигата и Лигата на шампионите. Кога беше прашан дали ќе го заврши договорот, 54-годишникот одговори криптички.
„Во последните три или четири години во одреден период, ми го поставуваат ова прашање. Порано или подоцна, на 75 или 76 години, ќе го напуштам Манчестер Сити. Го разбирам прашањето, но сè уште имам 18 месеци, и воодушевен сум“, рече Гвардиола.
Кога директно го прашаа дали ќе биде во Сити следната сезона, тој додаде: „Одговорив на тоа прашање и претходно. Тука сум. Што ќе се случи, којзнае, но и да имав договор од 10 години или шест месеци, фудбалот многу се менува.“
Тој, исто така, ги отфрли обвинувањата за разговори за предвремено заминување. „Нема дискусија – крај на темата. Нема да бидам тука засекогаш и претходно реков дека нема да бидам тука засекогаш. Што ќе се случи, ќе се случи и клубот мора да биде подготвен за сè“, заклучи тој.
Во услови на неизвесност, менаџерот на Челзи, Енцо Мареска, кој претходно беше помошник на Гвардиола во Сити, се споменува како еден од потенцијалните наследници. Италијанецот, сепак, категорично ги негираше ваквите гласини.
„Воопшто не ме засега бидејќи знам дека се 100% шпекулации. А во моментов нема време за такви работи“, рече Мареска, чиј договор со Челзи е до 2029 година.
„Мојот фокус, многу пати сум рекол, е само на овој клуб и многу сум горд што сум тука. Пред една недела бев поврзан со Јувентус. Затоа не обрнувам внимание бидејќи знам дека не е вистина.“
Би-Би-Си дознава дека чувството за потенцијална промена го натера Сити да ја интензивира потрагата по наследник на Гвардиола. Се верува дека се идентификувани најмалку двајца кандидати, иако нивните имиња засега остануваат тајна.
Спортскиот директор Уго Вијана има клучна улога во составувањето на списокот, а конечна одлука за иднината на Гвардиола не се очекува пред крајот на сезоната. Сити, кој моментално е два бода зад лидерот Арсенал, е домаќин на Вест Хем во сабота.
Foto/ depositphotos

