Свет
Дане Илиев го монополизира судството
Дане Илиев, претседател на Врховниот суд, истовремено врши дваесетина претседателски функции, што го прави најмоќна фигура во судскиот систем, реагираат судии и правници
Дане Илиев, претседател на Врховниот суд, истовремено врши дваесетина претседателски функции, што го прави најмоќна фигура во судскиот систем, реагираат судии и правници.
Според нив, Илиев претседателствува 7 совети во судот, судскиот буџетски совет, претседател е на комисијата за полагање правосуден испит и на Академијата за обука на судии и обвинители. Откако ќе се усвојат измените во Уставот, претседателот на Врховниот суд ќе биде и прв човек на Судскиот совет. На оваа преголема концентрација на власта, во последно време реагирале и се жалеле неколку врховни судии. Тие сметале дека е невообичаено првиот човек на Врховниот суд да презема толкави одговорности во свои раце. И правните експерти сметаат дека независноста на судството не значи само независност од политиката, туку и од судската хиерархија.
– Со сегашната поставеност, преголема доминација има врвот на судската хиерархија. Тоа не значи судска независност. Сите функции што ги има претседателот на Врховниот суд се законски, па тоа е проблем што треба да се реши со поставеноста на функциите. Тоа треба да се смени во законите и во уставните амандмани – вели Рената Десковска, професорка од Правниот факултет.
Судиите коментираат дека ваквата „монополизација“, која не е надвор од законите и од Уставот, сепак значи окупација на работата на највисокиот судски орган во земјава. Тие коментираат дека ваквите овластувања имаат цел да го доближат судството до власта и да имаат контрола врз судството.
Претседателот на судот Дане Илиев не се согласува со ваквите тврдења. Тој смета дека не станува збор за концентрација на моќ, туку на одговорност.
– Тоа е одговорност и тешко на тој што ја има. Реакциите доаѓаат од луѓе што не сакаат промени во судскиот систем. Во сите земји претседателите на судовите судат, само кај нас тие се бизнисмени. Јас не се согласувам со тоа и сметам дека претседателите на судовите треба да ги судат најтешките предмети – вели Илиев.
Според него, својата одговорност ја заработил само со знаење и со стручност и дека во таа функција не е сконцентрирана никаква моќ.
Илиев, освен што е претседател на судот, го управува советот од пет судии во одделот за управни дела, кои решаваат предмети од контрола на даноците. Тој е претседател на советот од тројца судии кога се одлучува за пензиско, здравствено и социјално осигурување. Илиев, кога ќе одлучи дека има потреба, претседава совет од тројца судии од кривичниот оддел, каков што бил случајот со расчинетиот владика Вранишковски. Тој го претседава советот кога се одлучува за државјанство, азил и привремен престој од областа на внатрешните работи. Тој е прв човек на судскиот буџетски совет и на комисијата за полагање правосуден испит.
Извори од Врховниот суд велат дека никогаш досега не се случило претседателот на судот да земе толкав број ингеренции во свои раце. Поранешните претседатели раководеле најмногу два совети во судот.
Врховниот суд има 25 судии и е највисок судски орган во државата. Овој суд е единствен што одлучува во трет степен по жалбите на апелациските судови, решава по вонредни правни лекови против правосилните одлуки и за судирот на надлежностите меѓу судовите. Претседателот на судот има мандат од четири години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Свет
Сакале јавно да ја посрамотат љубовницата на нивниот татко, а животот си го направиле пекол
Сестрите Елеонор и Софи Браун откриваат како јавно сакале да ја посрамотат жената со која татко им Џеф ја изневерил нивната мајка, но наместо тоа, едната добива отказ од полицијата, а другата се соочува со затвор.
Убедени дека смислиле совршен начин јавно да ѝсе одмаздат на жената со која татко им ја изневерувал нивната мајка, двете сестри, од кои едната била полицајка, објавиле приватни и интимни фотографии на социјалната мрежа. Ни тоа не им било доволно, го објавиле и телефонскиот број на нејзиниот сопруг, по што почнале да му се јавуваат.
Пријавил во полиција, па на Елеонор (24) која признала дека објавувала интимни фотографии сега и се заканува затворска казна, додека Софи била избркана од полиција.
На сослушувањето во судот во Лидс, Велика Британија одржано минатата недела, беше откриено дека Елеонор на страницата „2022“ објавила фотографии и телефонски број на сопругот на нејзиниот љубовник. Се слушна дека објавувањето на телефонскиот број влијаело на неговата работа и кај жената предизвикало „страшно и болно чувство на паника“. Во исто време, како што изјавија во судницата, нивниот татко Џеф имал афера со таа жена пред повеќе од 10 години, кога и двајцата биле во брак.
Аферата беше откриена во 2015 година кога Сара Браун откри интимни фотографии и видеа од жената во телефонот на нејзиниот татко. Дури седум години подоцна, помеѓу август и септември, Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг.
Таа потоа му испратила интимни фотографии од неговата сопруга на WhatsApp, а истите ги објавила на страница за ескорт. Обвинителот посочи дека се работи за „гнасен и пресметан“ обид за одмазда. Сестрите Браун, како што беше кажано и во судницата, ја нападнале и ќерката на љубовникот, која не знаела за аферата.
Елинор и рече: „Ќе се погрижам мајка ти никогаш да не заборави што и направи на мајка ми“.
Софи поднесе оставка од полицијата откако таа и нејзината сестра беа пријавени, а на рочиштето беше истакнато дека дефинитивно ќе добиеше отказ доколку не се откажеше самата, бидејќи таа беше иницијатор на целата приказна. На рочиштето се откриени и пораките кои сестрите ги разменувале, се покажало дека тие прво планирале да направат лажен профил на љубовницата на една страница за рекламирање.
Тие сакаа да напишат, заедно со нејзината фотографија, во огласот: „Подарувам сексуални услуги за пет фунти“. Потоа го промениле планот и решиле фотографиите да ги објават на страница за ескорт дами.