Скопје
Манчевски: Трајановски ги задолжи скопјани со нов кредит за „Водовод“
Градоначалникот Коце Трајановски продолжува да се луксузира и да ги троши парите на граѓаните. Скопјани во наредните 12 години ќе треба да враќаат нов кредит во висина од седим милиони и триста илјади евра со висока каматна стапка од осум проценти, средства кои Трајановски ги наменил за изградба на луксузна административна зграда на „Водовод“, истакна на прес-конференција Дамјан Манчевски, потпретседател и советник во Советот на Град Скопје.
Дамјановски, советник од опозициската СДСМ, потсетува дека кога започнувала изградбата на овој објект градоначалникот КоцеТрајановски тврдел дека објектот ќе биде финансиран од сопствени средства, а сега, како што истакнува, ги задолжува граѓаните на Скопје со кредит кој ќе треба да го враќаат 12 години.
„Имајќи предвид дека проектираната зграда на Водовод има околу 5.000 м2 површина, цената на чинење на 1 метар квадратен во оваа луксузна зграда надминува неверојатни 2.000 евра! Опозиција постојано укажува дека ова е нелогичен и прескап проект. По којзнае кој пат повторуваме дека најсоодветно е недоизградениот објект на Водовод, во сегашната состојба, да се продаде. Парите од продажбата би се искористиле за поскромен, енергетски ефикасен, нормален објект кој би ги задоволил потребите на вработените во Водовод“, вели Манчевски.
Од СДСМ прашуваат зошто Трајановски инсистира на градење на луксузен објект за Водовод што ќе чини повеќе од 2.000 евра за метар квадратен, кој профитира од оваа зделка, која е логиката да се гради луксузна зграда наместо парите да се наменат за изградба на водоводна мрежа и замена на постоечките азбестни цевки? /крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.
Скопје
Дел од Карпош без струја
ЕВН Македонија АД и Регионалниот центар за управување со кризи-Град Скопје, ги известува граѓаните дека, поради планирани технички зафати во електро дистрибутивната мрежа, без електрична енергија ќе останат:
· Во период од 09:00 – 12:00ч дел од корисниците во с. Бардовци ( о.Карпош);
· Од 09:30-14:00ч корисниците од ул.Дрезденска (о.Карпош).