Спорт
Светскиот првак Шпанија ја предводи Д групата во Измир
Светскиот првак Шпанија настапува во Измир и важи не само за фаворит во групата Д во која покрај неа играат и Канада, Нов Зеланд, Литванија, Франција и Либан, туку и за еден од фаворитите за освојување на нова титула
За Шпанија нема да настапи најдобриот играч По Гасол и повредениот Калдерон, но тука е братот на По центарот на Мемфис Гризлис Марк Гасол. Првата петорка ќе биде составена од играчи од шпанското првенство првенствено од Реал и Барселона, бековите Рики Рубио, Хуан Карлос Наваро и Серхи Лул, како и Фелипе Рејес крилен центар. Останатите шестмина се бековите Сан Еметрио, Фернандез и Лопез, крилата Клавер, Мумбру и Гарбахоса и Васкез на центарска позиција.Литванија е предводена од крилниот играч Линас Клеиза кој летово од Денвер премина во Торонто и од Робертас Јавтокас центар на Валенсија. Остатокот од екипата е млад но подготвен за докажување. Канада ќе игра без нивниот најдобар играч Стив Неш но има два НБА играчи, бекот на Никси Енди Раутинс, и центарот на жешките од Мајами Џоел Антони. Франција без Тони Паркер, ќе се потпре на Борис Дијав крило на Шарлот и на крилниот центар на Далас, Јан Махинми, трето име за споменување е центарот на Рома Али Траоре. За Нов Зеланд не играат познати имиња, но во подготвителниот период ја совладаа Русија а успеаја да загубат од Јордан што значи дека играат со осцилации.Сите овие екипи се делумно хендикепирани со отсуство на најдобри играчи, па меѓусебно ќе се борат да ја избегнат претпоследната позиција која заедно со Либан кому му е осигуран фенерот ќе испаднат од натпреварите по првата рунда.Натпреварите ќе се играат во Халкапинар арената во Измир со капацитет од 10.000 гледачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.