Раководството на СДСМ мисли дека на најбрутален и подмолен начин ќе влезат во животите на сите нас, ќе измонтираат или прикажат во друг контекст наши разговори, ќе сечат, ќе лепат, ќе манипулираат, и дека тоа е доволно да ги избере народот, да може да се наречат себеси политичари, рече во саботата премиерот и лидер на владејачката ВМРО-ДПМНЕ, Никола Груевски на народниот собир во Тетово и притоа се осврна на потезите на опозициската партија со кои се вмешуваат странски држави.

„Вие драги мои од раководството на СДСМ не сте политичари, вие сте обични марионети, кукли, извршители на туѓи агенди, без никаква идеја, без никаква визија, кои се криете зад некои поими како што се слобода и демократија, сакајќи да ги монополизирате, мислејќи дека само вие имате право да кажувате што е тоа слобода и демократија, а што не е. А притоа навредувате, лажете, манипулирате, креирате, покажувате гнев и омраза, а всушност слабост, и најважно од сé, свесни сте дека тоа не ви оди. викате нема медиуми, а не сте симнати од екраните и од весниците и порталите, викате нема слобода, а на глава ни се качувате најслободно пуштајќи сé и сешто што ќе ви падне на памет, срамотејќи ја целата држав“, рече Груевски

Според премиерот, лидерот на СДСМ, Зоран Заев прави грешка што сака да ја наруши соработката на земјата со Кина и Израел. „Покрај тоа што нас нé плука и што дозволуваме со неговите комплекси и фрустрации да ни се качува на глава, туку сега и Кинезите се виновни, па ги загрозува односите со една од најголемите светски сили и постојани членки на Советот за безбедност на ОН, која не има признаено под нашето уставно име и со која нашата држава има беспрекорни, пријателски, одлични односи, и многу заеднички локални и регионални проекти. Овој. генијалецов од опозицијата, мртов ладен, направи втора огромна грешка, имено, Кинезите очигледно не му беа доволни, туку сакаше и нешто повеќе, па ја обвини Државата Израел дека преку нивното министерство за одбрана влегла во коруптивни активности со македонската влада. Замислете каков тип. Не е ни чудо што веќе станавме предмет на потсмев како држава, со овие глупости што ги прави овој човек“, рече Груевски.

„Значи, за да биде јасно, во првиот случај со народна република Кина, се работи за договори за најголемите проекти кои ги правиме заедно со нив, автопатите за процес на преговарање кој процес ни овозможи да имаме меѓу најниските цени на чинење на автопат во Европа. И уште еднаш ќе порачам и на овој експертот за делење тендери на браќата, братучедите, стрините и чичковците, но и на неговите налогодавачи, Македонија ќе ги продолжи проектите со Кина, затоа што тие се за доброто на Македонија, и ние како влада, ќе продолжиме генерално со проекти кои значат изградба на нова инфраструктура и подобри услови за живот на граѓаните. Ќе го градиме и автопатот Гостивар Кичево и Македонија ќе се развива колку што може со сиот наш напор“, појасни Груевски.

Во врска со обвинувањата за Израел, посочи, освен срамот кој го нанесе Заев на државата и на сите нас, би сакал да имаме одлични пријателски и партнерски односи, базирани на бројни меѓусебни договори кои меѓусебно како две држави ги имаме потпишано и ние таа соработка ја негуваме и се обидуваме да ја продлабочуваме. – Во рамки на таа соработка Државата Израел на Македонија и дала огромна помош на различен начин. Еден од тие проекти е и проектот за кој Зоран Заев зборуваше пред некој ден и изнесе лаги и навреди за нас и за нашите пријатели од државните институции од Израел. Без ронка срам ги наклевети сите, вклучително и претставниците од Министерството за одбрана на Израел кои ги објави со слика, и ги објави нивните лични податоци. Срамно и крајно штетно за државата, обвинувајќи не сите за нешто што беше голема помош на Израел кон нас, рече Груевски.

Прецизираше и дека Израел донираше 5,7 милиони евра помош за македонската полиција, за македонските специјални сили. Заев, нагласи, издаде државна тајна и објави работи со кои се направи обид да се наштети на македонската полиција и на управата за разузнавање.

„Од договор и соработка чиста како солза, некој свесно сака да ги саботира односите со нашите пријатели. И утре ваков човек или тие околу него ќе сакаат да водат држава. Народот го знае тоа и никој не може да го прелаже. Нека не ве заплашуваат со разни сценарија! Никој не им се плаши на нив. Имаме сила да се спротивставиме на сите предизвици, заеднички, сложно, со збиени редови….Не е ова битка на живот или смрт. Тоа тие сакаат да го претстават. Тоа е политичка битка за тоа во каква Маекдонија сакате да живеете. Ние имаме чиста и јасна понуда. Ние нудиме проекти и нови можности. На нас можете да се потпрете, порача Груевски.

Притоа челникот на ВМРО-ДПМНЕ истакна дека, сепак, народот знае многу добро да препознае. „Народот знае што значи да се бориш за Македонија“, порача Груевски.

„Кренете глава. Нека не ве заплашуваат со разни сценарија. Никој не им се плаши. Имаме ние сила да се спротиставиме на сите предизвици, заеднички, сложно, со збиени редови…. Не е ова битка на живот или смрт. Не. Тоа тие сакаат да го претстават. Тоа е политичка битка за тоа во каква Маекдонија сакате да живеете, Ние имаме чиста и јасна понуда. Ние нудиме проекти и нови можности. На нас можете да се потпрете“, порача во продолжение Груевски пред тетовчани.

Рече декја опозицискиот СДСМ со „мрачните игри“ што ги спроведува, на неговата влада ѝ дава „дополнителна мотивација за нови мерки“. „Ако нешто успеаја да направат овие од опозицијата со нивните мрачни игри, успеаја да ни направат дополнителна мотивација за уште повеќе мерки и проектии, како и решавање на проблеми на народот, рече премиерот Груевски.

Најави дека од таа ќе произлезат многу нови мерки, многу добри и конкретни работи за македонскиот народ, во сите сфери, со цел да се обезбедат подобри услови, подобар живот и повеќе можности.

„Тоа е нашиот одговор, тоа ќе биде одговорот на Македонија, кратко и јасно – Ние можеме да работиме, да креираме, да создаваме, да помагаме на нашиот народ, и нема да дозволиме да не вовлечете во вашите сценарија! Тоа е нашата борба за Македонија! Тоа е како ние ќе одговориме, со работа, со многу работа, да ја оправдаме уште повеќе, големата поддршка која народот ни ја дава“, додаде Груевски./крај/мф/сн

–

Извор: Макфакс