Свет
Во израелските затвори над две децении лежат 299 Палестинци
Новообјавените податоци покажуваат дека 299 палестински затвореници во затворите во Израел лежат повеќе од 20 години, се вели во извештајот направен за потребите на договорот за размена на затворениците, тврди палестинското движење Хамас.
Новообјавените податоци покажуваат дека 299 палестински затвореници во затворите во Израел лежат повеќе од 20 години, се вели во извештајот направен за потребите на договорот за размена на затворениците, тврди палестинското движење ХамасСпоред Заводот за статистика на палестинското Министерството за затворениците, 299 палестински затвореници кои беа затворени пред Договорот од Осло, Тел Авив одбива да ги ослободи и по формирањето на Палестинската администрација . Овој извештај е дел од новата рунда разговори за договорот за размена на заробениците меѓу Хамас и израелски официјални лица кој се одржува во египетскиот главен град Каиро. Шефот на политичката канцеларија на Хамас, Калед Мешал допатува во Каиро во вторникот, заедно со делегацијата којашто ќе учествува на преговорите кои треба да доведат до договор за размена на затворениците, кои се остваруваат со посредување на претставници на египетските безбедносни сили, изјави висок египетски функционер од безбедноста за арапските медиуми.Египет посредува во разговорите меѓу Израел и Хамас и за ослободувањето на израелскиот војник по договор Гилад Шалит, заробен во јуни 2006 година, за чиешто ослободување се бара пуштање од израелските затвори на речиси илјада Палестинци. Последните сериозни преговори за размена на затвореници меѓу палестинската фракција во чиешто заробеништво е Шалит и Тел Авив се одржаа во декември 2009 година, но тогаш не беше постигнат договор. „Според фракцијата што го држи во заробеништво Гилат Шалит, од моментот кога тој бил заробен тие го објавија списокот и на овие листи се вклучени група затвореници кои имаат поминато повеќе од 20 години зад решетки. Нивното ослободување е приоритет“, изјави претседателот на здружението на палестинските затвореници, Кадура Фарес.Некои семејствата на палестинските затвореници кои сé уште се наоѓаат во израелските затвори повторно изразија надеж дека разговорите во Каиро ќе донесат решение и дека нивните најблиски набрзо ќе се вратат дома. „Ние секогаш се надеваме и му се молиме на Бога. Се надевам, дека овојпат преговорите ќе бидат успешни и многу затвореници наскоро ќе бидат ослободени“, изјави сестрата на палестинскиот затвореник Абдалах Абу Шалбак. Според најновите извештаи на Палестинската автономна управа, околу шест илјади Палестинците се наоѓаат во израелските затвори, од кои 219 се држат во притвор без подигнато обвинение. Од притворените Палестинци, 44 затвореници имаат минато повеќе од четвртина век зад решетки. Многу Палестинци се уверени дека ниту преговорите, ниту меѓународниот притисок нема да може да ги ослободи палестински затвореници од израелските затвори, и дека слободата на затворените палестински борци е можно да се постигне со продолжување на давањето отпор кон израелските власти./крај/птв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Форбс: Богатството на Илон Маск порасна на 677 милијарди долари
Илон Маск стана првата личност чија нето вредност надмина 600 милијарди долари, според пресметките на списанието Форбс објавени во понеделник. Зголемувањето на богатството на Маск беше поттикнато од неодамнешната продажба на акции во вселенската компанија на Маск, SpaceX. Форбс ја искористи цената утврдена во трансакциите за да процени повисока вкупна вредност за компанијата, што пак ја зголеми пресметката на уделот на Маск.
Само неколку часа претходно, Форбс ја процени нето вредноста на Маск на околу 500 милијарди долари. Богатството на Маск е првенствено поврзано со неговите удели во производителот на електрични автомобили Tesla и SpaceX. За разлика од Tesla, SpaceX е во приватна сопственост, што значи дека цената на неговите акции не се одредува на берзата.
Во такви случаи, проценките се базираат на рунди на финансирање или продажба на акции од страна на вработените и можат значително да се разликуваат од конечната пазарна вредност. Врз основа на цената по која вработените можеа да ги продадат своите акции, Форбс ја пресмета вкупната вредност на SpaceX на 800 милијарди долари, што е зголемување од претходната проценка од 400 милијарди долари.
Со оглед на тоа што Маск поседува приближно 40 проценти од SpaceX, ревидираната проценка на Форбс ја зголеми неговата проценета нето вредност на 677 милијарди долари.
Европа
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако Вашингтон му понуди на Киев безбедносни гаранции по моделот на НАТО. Трамп, исто така, изрази увереност дека Москва ќе прифати таков договор, објави „Ле Монд“.
Трамп откри дека имал „многу долги и многу добри“ разговори со својот украински колега Володимир Зеленски, како и со лидерите на НАТО и европските земји како што се Велика Британија, Франција и Германија.
„Се обидуваме да го разработиме тоа и мислам дека сега сме поблиску“, им рече Трамп на новинарите во Овалната соба. „Имавме бројни разговори со претседателот Путин на Русија и мислам дека сега сме поблиску од кога било досега, па ќе видиме што можеме да направиме“.
REPORTER: An Article 5-like deal seems to be emerging without NATO membership for Ukraine. If such a security guarantee is offered, what incentive is there for Ukraine to give up any sort of territory?
US PRESIDENT TRUMP: Well, they've already lost the territory, you know, to be… pic.twitter.com/99sx8a6f03
— Status-6 (Military & Conflict News) (@Archer83Able) December 15, 2025
На прашањето дали неодамна разговарал директно со Владимир Путин, Трамп одговори остро: „да, разговарав“, без да навлегува во детали.
Сепак, Трамп се чини дека сугерираше дека во замена за безбедносни гаранции, Украина ќе мора да се согласи да отстапи делови од источниот регион Донбас што сè уште се контролирани од Киев – можност што Зеленски претходно силно ја отфрли.
На прашањето каков поттик ќе има Украина за да се откаже од територија, Трамп одговори: „Па, искрено, тие веќе изгубија територија“.
Тој додаде дека Европа, која и покрај противењето на Русија повторно предложи испраќање мултинационални мировни сили, ќе биде „голем дел“ од секоја безбедносна гаранција.
Регион
Маж ја избол до смрт партнерката на улица во Србија
Страшно злосторство го потресе вчера Лесковац во Србија, каде што 64-годишен маж, Р.Д., е осомничен дека ја избол до смрт својата 53-годишна партнерка. Убиството, како што соопшти Полициската управа во Лесковац, се случило околу 16:30 часот, пишува Н1 Србија.
Според полицијата, жената починала на местото на настанот од повеќекратни убодни рани. Припадници на Министерството за внатрешни работи брзо интервенирале и го уапсиле осомничениот кратко време по злосторството.
Истрагата е во тек
Р. Д. е обвинет за кривично дело убиство. Со наредба на Вишиот јавен обвинител, му е одредена мерка притвор до 48 часа, по што ќе биде донесен на распит во Вишото јавно обвинителство во Лесковац со кривична пријава.

