Свет
Погреб на папата
Папата Јован Павле Втори, кој почина во саботата, денеска ќе биде погребан во Базиликата Свети Петар во Ватикан.
Папата Јован Павле Втори, кој почина во саботата, денеска ќе биде погребан во Базиликата Свети Петар во Ватикан.
Погребната миса, што ќе ја води деканот на кардиналскиот собор Јосеф Ратцингер треба да започне во 10 часот, а по три часа ќе започне погребот, на кој се очекува да присуствуваат околу пет милиони луѓе и близу 200 официјални делегации од целиот свет.
Македонската делегација, што ја предводи шефот на државата Бранко Црвенковски, денеска ќе присуствува на погребот на папата..
Нa автопатиштата во близина на Рим, полицијата ги запира автобусите со верници кои сакаат да присуствуваат на погребот на Папата и ги пренасочува кон месноста Тор Вергата.
Станува збор за неопходни мерки за зачувување на редот, бидејќи во градот веќе пристигнаа најмалку два милиони верници.
Надлежните информираат дека исто така се затворени и пристапите кон Ватикан.
Посетителите кои пристигнаа денеска или вчера, ќе можат да го следат погребот на големи видео-бимови поставени на повеќе места во градот.
Претставници на цивилната заштита тврдат дека нема потреба да се прогласи вонредна состојба во градот.
Градските власти апелираа до жителите на Рим да ги отворат своите домови и дуќани за да ги сместат верниците кои пристигаат од сите страни на светот и немаат каде да престојуваат.
НАТО го испрати шпионскиот авион Авакс да го надгледува италијанскиот воздушен простор за време на погребната церемонија на Папата.
Како што изјави портпаролот на Алијансата Џејмс Апатураи, НАТО ги испраќа авионот на молба на италијанската влада за помош при гарантирање на безбедноста на собирот што е до сега без преседан со оглед на бројот на светските лидери кои се наоѓаат на едно место
Доколку авионот регистрира нешто сомнително италијанските власти ќе преземат неопходните дејствија. Кралеви, кралици, државни и владини раководители од целиот свет ќе присуствуваат на погребот на папата.
Посмртните останки на папата Јован Павле Втори ќе бидат положени на местото на кое бил погребан папата Јован XXIII, чие тело, по беатификацијата, е пренесено во Базиликата.
Пред Базиликата Свети Петар претпладнево ќе бидат присутни сите странски акредитирани делегации, на чело со претседателите и премиерите, потоа врвот на Ватикан, како и делегации од други религии.
Телото на папата, кој почина во саботата на 84 години, беше изложено во Базиликата Свети Петар до синоќа.
Тогаш, вратите на Базиликата се затворија и почнаа последните подготовки за денешниот погреб, од кој ќе известуваат 3,500 новинари од целиот свет./крај/ег
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.
Регион
Вучиќ го посети повредениот полицаец, му честиташе за неговата смиреност и храброст
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.