Регион
Delo: Односите меѓу Србија и Хрватска се како свеќа на ветер
Хрватско-српските односи се како свеќа на ветер, пишува словенечкот весник Delo, нагласувајќи дека „во новото заладување меѓу Србија и Хрватска свој придонес дала и Европската унија (ЕУ)“.
Хрватско-српските односи се како свеќа на ветер, пишува словенечкот весник Delo, нагласувајќи дека „во новото заладување меѓу Србија и Хрватска свој придонес дала и Европската унија (ЕУ)“.
Весникот пишува дека „балканските народи низ историјата меѓусебно се убивале поради тоа што едните биле Хрвати, а другите Срби“.
„Денес, хрватската претседателка со модел по кои хрватските сили наредија конечно да се реши српското прашање во Хрватска, или, пак, нејзиниот српски колега, кој Вуковар го прогласи за српски град, не се гаранција за помирување“, стои во текстот на Delo.
„Во Хрватска не е создадена постконфликтна елита, која би била еднаква на популистите и националистите, а во Србија елитата исто така прибегна кон историски истрошените концепти и исто како и Хрватите, симулира регионална соработка“, пишува Delo.
„Усташката програма, која се базира на непризнавање на другите народи на територијата на Хрватска, или, пак, четничката програма, која единствената можност за подобри односи на гледа во преселувањето и размената на српското и хрватското население, можат повторно да се вратат од мртвите“, смета словенечкиот весник, додавајќи дека придонес за заладувањето на српско-хрватските односи дала и динамиката на проширувањето на ЕУ.
„Во неа преовладуваше германскиот пристап, кој со цел да создаде од Хрватска водечка сила во регионот ја издвои од западен Балкан, иако влегувањето на Хрватска во ЕУ беше ветер во едрата за хрватскиот национализам, кој се чувствува супериорно во однос на своите источни соседи“, коментира Delo.
На крајот на текстот се додава дека „иако во Европскиот парламент пропаднаа првите хрватски обиди билатералните прашања да се решаваат преку условување на европскиот пат на Србија, хрватските пратеници нема да се откажат“.
„Со оглед на тоа што сè уште не се подготвени да ги затворат меѓусебните спорови, Хрватска и Србја ќе останат заложници на политиката која живее од конфликти, а дека Хрватска ќе биде чесна кон Србија е само една празна фраза“, стои во текстот на Delo.
„Свое влијание во односот на силите има и Берлин, а дали ќе има и слух за реалност и значењето на српско-хрватските односи на Балканот, кои се како свеќа на ветар, ќе покаже времето“, заклучува словенечкиот весник./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.