Свет
Европската унија е истоштена
Европската унија пати од разнишана самодоверба, според коментарот на весникот „Гардијан“, кој констатира дека Европа е збунета и го изгубила местото помеѓу велесилите.
Европската унија пати од разнишана самодоверба, според коментарот на весникот „Гардијан“, кој констатира дека Европа е збунета и го изгубила местото помеѓу велесилите.Повод за ова е претстојниот Самит на шефовите на државите или владите на 27-те европски лидери со новиот претседател на ЕУ, Херман Ван Ромпуј.Сепак, Европа самитот го дочекува во една состојба на невообичаена потиштеност и изнемоштеност. Во позадина стои Лисабонскиот договор кој требаше да ги залечи европските болки и да го започне упростувањето на процесите на одлучување, да ги поедностави процедурите и да обезбеди силни и кохерентни раководства. Меѓутоа, таму каде што требаше да има согласување, настана конфузија, и наместо јасно утврдено лидерство се појави борбата за влијание и ривалски претседатели. Весникот потсетува дека американскиот претседател Барак Обама, минатата недела порачал дека е презафатен за да присуствува на мајскиот европско-американски самит во Мадрид. Стејт Департментот јасно ставил до знаење дека една од причините за отсуството на Обама е тоа што по Лисабонскиот договор, на Американците не им е јасно со кого треба да комуницираат.Според „Гардијан“, за безнадежноста во Европската унија најмногу придонел климатскиот самит во Копенхаген. Европејците, кои две години тврдеа дека го предводат светот во борбата против климатските промени, се соочија со фактот дека силите на глобално ниво се променети и ЕУ од првата се симна во втора лига.Затоа, пишува „Гардијан“, Ван Ромпуј во четврток, на европскиот самит ќе проба да го намали европскиот впечаток за немоќ со тоа што ќе ги натера учесниците на самитот да размислат за следните чекори. /крај/гар/ко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.