Свет
Обновена истрага за четири случаи на даночно затајување против Тимошенко
Даночната полиција на Украина ги обнови истрагите во четири кривични предмети против поранешната премиерка Јулија Тимошенко, кои се однесуваат на затајување данок во втората половина од 1990-тите
Даночната полиција на Украина ги обнови истрагите во четири кривични предмети против поранешната премиерка Јулија Тимошенко, кои се однесуваат на затајување данок во втората половина од 1990-тите, кога таа ја водеше компанијата „Обединети енергетски системи на Украина“, изјави во понеделникот за новинарите адвокатот на Тимошенко, Сергеј Власенко.Поранешата украинска премиерка Јулија Тимошенко на 11-ти октомври беше осудена на седум години затвор за злоупотреба на овластувањата и положбата при склучување договори за набавка на гас со Русија во 2009 година и во моментов е на издржување на казната. Таа беше притворена во почетокот на август. Тимошенко, исто така, е обвинета и за злоупотреба на положбата во соединето дело по обвинение за нелегално користење на парите добиени од продажбата на квотите за емисија на стакленички гасови доделени на Украина во рамките на Протоколот од Кјото и нелегалното, според украинскиот јавен обвинител, купување на амбулантни возила по повисоки цени. Исто така, уште се води истрага за двата случаи кои се однесуваат на управувањето на Тимошенко со компанијата за увоз на природен гас „Обединети енергетски системи на Украина“ во 1990-те година.„Во петокот Јулија Тимошенко беше информирана од претставници на даночната полиција дека е отворена истрага за четири кривични дела, во кои фигурира Јулија Владимировна. Припадници на истражната управа и’ врачија копии од четирите одлуки за покренување кривични дела“, изјави Власенко.Според него, овие случаи биле затворени во раните 2000-ти .Притоа, тој додава дека двете одлуки за покренување на кривични случаи против Тимошенко датираат од 2001 година, а другите две од 2003 година.„Во сите овие четири одлуки (за покренување гонење) станува збор за активностите на корпорацијата и во сите нив се посочува дека истражителите разгледуваат прашања од 1996-1997 година. Ова наводно даночно затајување всушност е обид за наппата на надомест за данокот на додадена вредност“, дополни Власенко, кој како што пренесува РИА Новости, притоа не појаснил дали овие кривични дела се од ново дело, или во прашање е обновување на старите за што соопштија украинските власти.Тој истакна дека истрагата за овие кривични дела против Тимошенко ќе ја спроведува Централната истражна управа на даночната полиција при Државната даночна служба на Украина.Претходно беше објавено дека на даночната полиција на Украина официјално отвори истрага во случајот против поранешната премиерка Тимошенко за неплаќање на данок во висина од 2,5 милиона долари. Даночната полиција открила неплаќање на даноциите од страна на корпорацијата кои биле извршени во времето која таа била раководена од Тимошенко.Во средината на октомври, Службата за безбедност на Украина, исто така, соопшти дека иницирала нова кривична постапка против Тимошенко. Според истрагата, овојпат станува збор за долг од 405 милиони долари, кој во 1996 година го сторила корпорацијата „Обединети енергетски системи на Украина“ спрема министерството за одбрана на Русија во периодот кога со неа раководела Тимошенко. Според соопштението на Службата за безбедност на Украина, Тимошенко е обвинета за тоа што како претседател и де факто сопственик на корпорацијата, по претходен договор со поранешниот премиер Павел Лазаренко извршила обид за проневера и оштетување на државниот буџет на Украина во голем обем./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.