Свет
„Хач" бара ново рангирање за ТЕЦ „Неготино"
Од второрангираниот конзорциум тврдат дека нивната понуда е подобра отколку на австриската ЕВН
Од второрангираниот конзорциум тврдат дека нивната понуда е подобра отколку на австриската ЕВН
Второрангираната компанија на тендерот за ТЕЦ „Неготино" , канадско-бугарскиот конзорциум, „Хатцх Ацрес Инц. – Финанце Енгинееринг", поднесе жалба до владината Второстепена тендерска комисија поради низа забелешки во извршеното рангирање на понудите. Конзорциумот бара враќање на постапката и повторно бодирање и рангирање, по што очекува дека ќе биде рангиран на првото место. Според конзорциумот, рангирањето е извршено само од формален аспект, со просто собирање на бројките, а прворангираниот ЕВН АГ, не го заслужува правото да биде потписник на договорот за купопродажба на ТЕЦ-от.
Адвокатот на конзорциумот „Хач", Валерјан Моневски, вели дека понуда на „Хач" била многу подобра од сите тендерски аспекти, за разлика од понудата на ЕВН, која од владината Комисија беше избрана како најдобро рангирана со 86,85 бода, додека конзорциумот „Хач" доби 60,402 бода.
„Речиси е невозможно Комисијата за само два дена да ја изврши евалуацијата на исцрпната документација на ’Хач’, која брои над 1.000 страници. Убедени сме дека нашата понуда не е евалуирана на задоволителното ниво и со вистинските аргументи и параметри. Покрај тоа, направено е директно изигрување на тендерските правила поради прифаќањето на понудата на треторангираниот „Вербунд", каде што ЕВН поседува над 10 отсто од капиталот", вели Моневски.
Според него, не станува збор за сериозна понуда, со конкретен бизнис-план и план за инвестиции, туку за обично писмо за намери, бидејќи ЕВН бара контра поволности од Владата за реализација на проектот, додека понудата на „Хач" е безусловна. Тука се и 13,5 милиони евра што „Хач" ги понуди за акциите на ТЕЦ „Неготино", за разлика од ЕВН, која понуди само 4 милиони. „Тоа јасно го увидовме при отворањето на понудите и при повторниот увид на документите. Ќе видиме како ќе се изјасни Второстепената комисија. Решени сме да одиме докрај во намерите да докажеме дека нашата понуда е единствената реална, и за таа цел ќе се обратиме до сите надлежни институции", вели Моневски.
Тој објаснува дека „Хач", како водечка компанија на конзорциумот, постои од 1924 година и е енергетска, светска компанија од Канада која има инсталирани хидрокапацитети од 40.000 мегавати и има изградено повеќе нуклеарни и термоцентрали во светот. За ТЕЦ „Неготино" беа понудени 325 милиони евра инвестиции, што вклучува новоинсталирана моќност на постојниот блок со нова технологија, која би бил оперативен за 8 месеци, изградба на нов блок, како и изградба на хидроцентрала на реката Вардар од 7 мегавати. „Неготино" би користела висококвалитетен јаглен како суровина кој би бил увезуван од соседна Грција и кој би се преработувал со најсовремена технологија. Според „Хач", речиси е нереално во ТЕЦ „Неготино" да се инвестира751,7 милиони евра за да се добие капацитет од 763 мегавати, користејќи го притоа јагленот како суровина, бидејќи ваков капацитет не може да се опслужи со јаглен при постојните железнички капацитети во РМ. Каков било испад на таков блок би предизвикал распад на целиот систем во државата. Конзорциумот предлага две единици по 210 и една од 330 мегавати. Додека ЕВН предлага 93 нови вработувања, конзорциумот нуди 190 нови работни места, а во бизнис-планот содржи проекции за годишно производство на струја за наредните 10 години, како и други развојни проекции. ЕВН нема инвестициски план за екологија, иако е тоа клучното барање на тендерот и нема предлог за депонирање на пепелот во депонија, за разлика од конзорциумот кој за ова нуди современа технологија.
Државниот советникот за енергетика при Министерството за економија, Никола Черепналковски, кој наедно е член на Комисијата, не сакаше да даде никаков коментар околу оваа ситуација. Портпаролот на Министерството, Исмаил Ебипи, пак, рече дека владината Комисија ќе постапи според процедурата, ќе биде разгледана жалбата на „Хач" и во предвидените рокови ќе се достави официјален одговор на конзорциумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бил Гејтс го обвини Маск за убиство на најсиромашните деца во светот
Милијардерот Бил Гејтс го засили својот конфликт со Илон Маск, обвинувајќи го најбогатиот човек во светот за „убивање на најсиромашните деца во светот“ со мерки што ги нарече погрешно насочени намалувања на американската помош за развој, пишува денес „Фајненшл тајмс“.
Коосновачот на „Мајкрософт“, кој најави интензивирање на својата филантропска работа во следните 20 години и затворање на неговата Фондација „Гејтс“ во 2045 година, во едно интервју изјави дека шефот на „Тесла“ се водел од незнаење при дизајнирањето на намалувањата.
Во февруари, Одделот за владина ефикасност на Маск, попознат како DOGE, ефикасно ја затвори Агенцијата на Соединетите Американски Држави за меѓународен развој (USAID), главната федерална институција за доделување американска помош, објавувајќи дека „време е за умирање“.
Гејтс процени дека ненадејните намалувања доведоа до тоа храната и лековите потребни за спасување на човечки животи да го изгубат својот интегритет и употребливост таму каде што се складирани, а може да доведат и до појава на заразни болести како што се сипаници, ХИВ и детска парализа.
„Сликата за најбогатиот човек во светот како ја убива најсиромашната земја во светот не е убава“, рече Гејтс, кој некогаш самиот беше најбогатиот човек во светот.
Гејтс рече дека Маск ја откажал помошта за болница во Мозамбик, која имала за цел да го спречи ширењето на вирусот ХИВ од мајките на нивните деца, и сето тоа со погрешно верување дека САД снабдуваат кондоми за Хамас во Појасот Газа на Блискиот Исток.
„Сакам сега да оди и да се сретне со тие деца кои добија ХИВ, бидејќи им ги прекина парите“, рече Гејтс.
Овој 69-годишен филантроп вчера објави план да го даде буквално целото свое богатство во текот на следните 20 години, во кои периоди, според неговата идеја, Фондацијата Гејтс ќе потроши повеќе од 200 милијарди долари за глобално здравство, развој и образование. Во изминатите 25 години, фондацијата издвои околу 100 милијарди долари за оваа намена.
Фондацијата ќе биде затворена во 2045 година, неколку децении порано од планираниот датум.
Според Гејтс, причината за забрзаната испорака е да се постигне максимален ефект со потенцијал да се пронајдат средства за дефинитивно справување со заразни болести како што се детската парализа и ХИВ.
Свет
„Ако Путин не се согласи, ние ќе бидеме подготвени“: Макрон за прекинот на огнот меѓу Русија и Украина
Францускиот претседател Емануел Макрон објави дека синоќа разговарал со американскиот претседател Доналд Трамп за прекинот на огнот во Украина.
Макрон рече дека го поздравува јасниот повик на Трамп за безусловно примирје од 30 дена. Тој рече дека овој повик бил поддржан од британските и нордиските партнери во петокот наутро.
Францускиот претседател нагласи дека сите сега мора веднаш да работат на постигнување прекин на огнот – „без одложување“.
„Украина се согласи на ова примирје пред речиси два месеци. Сега очекувам и Русија да го стори истото. Во спротивно, ќе бидеме подготвени решително да одговориме, заедно со сите Европејци и во тесна координација со Соединетите Американски Држави“, напиша францускиот претседател.
Во петокот, германскиот канцелар Фридрих Мерц ѝ се закани на Русија со нови санкции доколку не се согласи на трајно примирје во Украина и мировни преговори.
Мерц, исто така, имаше телефонски разговор со американскиот претседател Доналд Трамп. Германскиот канцелар изјави дека изразил поддршка за планот на Трамп за 30-дневен прекин на огнот во Украина.
Трамп, по разговорот со украинскиот претседател Володимир Зеленски на 8 мај, изјави дека би сакал 30-дневно безусловно примирје и повторно ја спомена можноста за нови санкции против Русија.
Свет
Руте: „НАТО не вети дека членството на Украина ќе биде загарантирано“
Генералниот секретар на НАТО, Марк Руте, денес изјави дека Алијансата не ветила дека членството на Украина во таа организација ќе биде загарантирано со мировен договор со Русија.
„Сите во НАТО се согласија дека патот на Украина кон НАТО ќе биде неповратен. Но, никогаш не се согласивме дека членството на Украина во НАТО ќе биде загарантирано во рамките на мировниот договор. Но, на долг рок, НАТО изјави дека ќе постои оваа перспектива за членство во НАТО. Ова е на долг рок, а не за мировните преговори што се во тек“, нагласи Руте.
Претходно, германскиот канцелар Фридрих Мерц изјави дека Украина треба да биде суверена држава кога станува збор за донесување одлуки за политички и воени сојузи, како и дека земјата треба да се приклучи на ЕУ, пренесува „Униан“.
Тој според написите проценил дека пристапувањето на Украина во ЕУ ќе се случи пред членството во НАТО.
Уапсен битолчанецот кој со нож се закануваше на маж на “Широк сокак”
Денеска на ул. “Св.Кирил и Методиј” во Битола полициски службеници го лишија од слобода М.Ш.(36) од Битола. Тој претходно, пред...
Полскиот премиер: „Срамно е да се биде на парада во Москва и да му се аплаудира на Путин“
Полскиот премиер Доналд Туск изјави дека сите што присуствувале на воената парада во Москва на Денот на победата се посрамотија....
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
