Црна хроника
Бугарки „гатале“ против магии по куќи и украле над 1 милион денари
Две Бугарки лажеле дека се гатачки и под изговор дека ќе растеруваат магии ограбувале скопјанки и украле вкупно над 1 милион денари за два месеци.
Ограбувале жени додека разгледувале во продавници и жени кои ги сретнувале пред зграда и кои ги убедувале дека има фрлено магија врз нив или нивните семејства.
Оделе кај нив дома за да им гатаат и наводно да им ги тргнат црните магии и ги ограбувале. Сите кражби и измами ги вршеле на сличен начин.
На 3 јули сретнале скопјанка пред зградата во која таа живеела и рекле дека и имаат направено магии и дека треба да и се гледа за да се тргнат магиите. Додека и гатале, едната од измамничките зела 750 евра, 5000 денари и златни предмети сопственост на оштетената, ги врзала во крпа и ги вратила во креденецот, односно само крпата без парите и предметите во неа.
Потоа, на жената и рекле да не ги отвора до понеделник и си заминале.
Десет дена подоцна на идентичен начин ја пречекале друга жена пред маркет и се понудиле да и ги пренесат работите до станот каде што живеела. Откако влегле во станот едната од нив и се понудила да и гледа, за што и побарала пари.
Оштетената извадила пари и додека првопријавената разговарала, второпријавената ја искористила ситуацијата и и го украла паричникот во кој имало 10.000 евра и 10.000 денари и избегале.
На друга жена во скопската населба Ѓорче Петров, една од Бугарките, и се понудила да и гата, при што и побарала да ги даде обетките и прстенот,а потоа ги зела со себе со изговор дека ќе ги носи во црква за да се фати баењето, а потоа ќе и ги врати во 16.30 часот. Но, избегала и не се вратила.
Друго семејство од Скопје го убедиле дека на синот кој е во странство му е направена магија и побарале од него да ги извади сите пари и злато што ги имале дома за да ја растурат магијата.
Откако им ги дале сите пари и злато што го имаат, ги завиткале во крпа и маица, ги однеле во тоалетот и им рекле околу пет дена да не се отвара крпата. Откако избегале со сите пари и злато семејството сфатило дека во крпата нема ништо и дека им ги украле сите пари и злато.
Против двете се поднесени кривични пријави и одреден им е притвор./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.