Спорт
Хокејарките на САД блиску до злато

Екипата ја води тренерот Марк Џонсон, член на американската екипа на олимпијадата во Лејк Плесид која го направи „чудото на мраз“ – ја победи дотогаш непобедливата екипа на Советскиот Сојуз
Женскиот хокеј е релативно нов спорт на зимските олимпијади – воведен на Игрите во Нагано, Јапонија, 1999-та. Напаѓачката Џули Чу е првата хокејарка од азиско потекло во женската репрезентација на САД. Ова и` е трета олимпијада. Таа вели дека се млади и само шест од 23 членови во репрезентацијата претходно учествувале на Олимпијада, што прави да бидат многу возбудени.За олимпиското крштевање екипата ја подготвува тренерот Марк Џонсон, кој има сопствено олимписко искуство.
„Може да зборуваме како ќе биде кога ќе излезат на мразот и цел свет ќе гледа во нив, но додека не го сторат тоа, се` е теорија“, вели Џонсон.Тој беше во американската екипа на олимпијадата во Лејк Плесид која го направи „чудото на мраз“ – ја победи дотогаш неприкосновената екипа на Советскиот Сојуз.„Треба да ги елиминирате причините за деконцентрација, најважно е она што се случува на мразот“, се присетува Џонсон.Ќе има многу деконцентрација во Ванкувер, каде мнозинството гледачи ќе навиваат за домашната репрезентација на Канада.Голманката Џеси Ветер, на која ова и прва олимпијада, вели – нема проблем.
„Не е битно дали навиваат против или за нас, јас сакам кога има гледачи“Патот до златото можеби и ќе води преку мечот со Канада, која беше подобра во контролниот натпревар во декември со 2-1. Анџела Руџеро гледа и друга улога со соиграчите освен борбата за олимписко злато.„Ова е голема можност да бидете видени и младите девојчиња да се угледаат на вас“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net
Спорт
Нема да има дуел меѓу Црвена звезда и Динамо во главата фаза во Лига Европа

Регионалните великани, Црвенз звезда и Динамо Загреб се избегнаа во главната фаза во Лига Европа. Ждрепката за Лига Европа се одржа попладнево.
Црвенз звезда и Динамо добија четири исти противници, ќе играат против Лил, Малме, Селта и ФЦСБ.
Противници на Црвена звезда: Лил. Порто, Селтик, Брага, Штурм, ФЦСБ, Штурм, Малме
Противници на Динамо Загреб: Бетис, Лил, Фенербахче, Макаби Тел Авив, ФЦСБ, Митјиланд, Целта, Малме.
Првите натпревари од Лигат Европа ќе се играат на 24 и 25 септември, а последното коло од групната фаза е на 29 јануари следната година. Финалето е закажано за 20 мај 2026 година во Истанбул.
Фото/ Принтскрин