Црна хроника
Нова кривична пријава за обвинетите во акцијата „Гора“

Против 43 лица МВР до Надлежното Јавно Обвинителство, во рамки на акцијата „Гора“, поднесе нова кривична пријава поради постоење на основано сомнение дека сториле кривични дела “злоупотреба на службената положба и овластувања“ како и “фалсификување службена исправа“, односно “фалсификување или уништување деловни книги“.
Имено првопријавениот Т.А. (66) од Скопје во својство на службено лице лиценцирано за извршување на стручни работи на шуми во приватна сопственост и во својство на сопственик и управител на Друштво за трговија и услуги ФОРЕСТ ИНЖИНЕРИНГ ДООЕЛ Скопје, во текот на мај, јуни, јули и октомври 2014 година, ја злоупотребил својата службена положба и овластување со неизвршување на својата службена должност, така што спротивно на одредбите од Законот за шуми при постапување по Барањa за издавање на одобрениja за сеча поднесени од остантите кривично-пријавени лица за катастарски парцели во катастарските општини Танушевци, Брест, Палиград, Алдинци, Патишка Река, Црн Врв, Црвена Вода, Моране, Огњанци и Пчиња, иако бил должен – не излегол на лице место во шума и не извршил означување на стебла за сеча.
Притоа сочинил и со свој потпис заверил Записници дека наводно извршил теренски увид на лице место на катастарските парцели на кои се однесуваат барањата за сеча, во кои навел дека констатирал дека се исполнети условите за сеча на огревно дрво. Врз основа на тие записници со невистинита содржина, Т.А. изготвил и со својот потпис и печат на правното лице ФОРЕСТ ИНЖИНЕРИНГ – Скопје заверил и на пријавените лица им издал Одобренија за сеча со невистинита содржина. Потоа врз основа на вака издадените Одобрениjа за сеча, првопријавениот иако знаел дека на катастарските парцели не е исечена дрвна маса, изготвувал и издавал испратници со невистинита содржина заверени со печат и потпис, со цел истите да извршат легален транспорт и продажба на бесправно исечените огревни дрва од туѓа шума на трети лица (и дрвна маса од шумскиот фонд сопственост на Р.Македонија).
По основ на наплата за наводно извршена ознака за сеча во износ од 300 денари за еден м3 за одобрена вкупна дрвна маса за сеча (односно во предметниот случај 2751,4 м3 х 300,00 денари), првопријавениот Т,А, се стекнал со противправна имотна корист во износ од 825.420 денари. Истовремено, согласно Правилникот за висината на цената за штети во шума, според кои за огревно дрво бука висината на штетата изнесува 7.000 денари за еден м/3, ја оштетил заедницата за износ од 12.811.400 денари за вкупно исечена и изнесена дрвна маса во количина од 1830,2 м3.
Останатите 42 пријавени лица се товарат дека со легализирање на бесправно исечената дрвна маса сопственост на трети лица и дрвна маса од шумскиот фонд на Република Македонија сториле кривично дело Злоупотреба на службена положба и овластување од чл.353 во врска со кривично дело помагање од член 24 од КЗ. На дел од нив на товар им се ставаат и сомненија за кривични дела Фалсификување или уништување деловни книги од член 280 став 2 од КЗ и Фалсификување исправа од член 378 од КЗ.
На пријавениот Т.А. судија за претходна постапка од Основен Суд Скопје I Скопје му е изречена мерка притвор во време траење од 30 дена.
Бројот на откриени и процесирани кривични дела поврзани со незаконска сеча на шуми во текот на минатата година е зголемен за 50% во однос на 2013 година. Имено лани се поднесени 81 кривична пријава против 86 сторители поради сомненија за „пустошење шума“, „кражба на шума“, „напад на службено лице при вршење работи од безбедноста“, „спречување службено лице при вршење на службено дејствие“ и „злоупотреба на службена положба и овластување“. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.