Спротивно на раширеното верување за пораст на барателите на азил на Запад, оваа бројка се преполови во последните пет години и падна на најниска точка во изминатите две десетлетија, објави денеска Високиот секретаријат на ООН за бегалци (УНХЦР).

Спротивно на раширеното верување за пораст на барателите на азил на Запад, оваа бројка се преполови во последните пет години и падна на најниска точка во изминатите две десетлетија, објави денеска Високиот секретаријат на ООН за бегалци (УНХЦР).

Според податоците, Србија и Црна Гора (СЦГ), заедно со Косово била водечки во светот по бројот на баратели на азил во 2005 година, по што следи Русија, која вклучува и големи број на барања од Чеченија.

Бројот на барања за азил во 50 индустриски развиени држави е во пад четврта година по ред и изнесува 336 илјади во 2005 година, односно 15 проценти помалку во однос на 2004, гласат привремените податоци што ги објави Агенцијата на ООН во своето седиште во Женева.

Во Европа, каде партиите на крајната десница во некои држави манипулираа со стравот од прелевање на бегалците, бројот на баратели на азил е најмал од 1988 година, изјави Високиот секретар за бегалци Антонио Гутереш, бивши португалски премиер.

“Овие податоци покажуваат дека приказните за растечкиот проблем на азил во индустриски развиените држави не се веродостојни“, рече Гутереш.

Тој ги повика индустриски развиените држави да размислат за тоа “дали да ги затвораат вратите на мажите, жените и децата кои бегаат пред прогонот, наметнувајќи се построги ограничувања за барателите на азил“.

Вкупниот број на баратели на азил во 2005.година, во 38 западни држави, беше најнизок од 1987 година, според УНХЦР.

Повеќето од вкупно 9,2 милиони бегалци во светот се сместени во државите во развој – Пакистан, Иран и Танзанија. Во развиениот свет најмногу барања за азил имало во Франција, САД, Британија и Германија.

Барањата за азил во Европската унија (ЕУ) лани, се намалија за 15 проценти во споредба со 2004, а УНХЦР претходно предупреди дека новите одредници за азил, што во ноември ги донесе ЕУ, може да водат до кршење на меѓународниот закон за бегалци.

Бројот на баратели на азил во светот најмногу се намали во САД и во Канада, а во Австралија и Нов Зеланд за 75 проценти.

/Крај/хи/ис/б