Регион
Словенија го суспендира Шенген кон Унгарија
Од средата на полноќ стапува на сила засилената контрола на словенечката граница кон Унгарија и привремено е суспендиран Шенгенскиот режим, соопштија во средата словенечкиот премиер Миро Церар и министерката за внатрешни работи Весна Ѓеркеш Жнидар.
Премиерот Миро Церар на крајот од својата посета на Лендава, недалеку од границата со Унгарија, на прес-конференцијата изјави дека мерките за подготовка на повторната гранична контрола кон Унгарија веќе започнале и дека ќе се пременуваат од 24 часот, и тоа го образложи со фактот дека Европската унија уште не заземале единствен став во поглед на бегалскиот проблем.
Со овој потег Словенија полесно ќе го контролира протокот на луѓе, за да не биде изненадена од некоја поголема група бегалци и мигранти, а настаните во врска со таа проблематика постојано се следат и владата е подготвена за различни сценарија, истакна Церар, додавајќи дека „сé е под контрола“.
„Мора да ја имаме состојбата под контрола и да им помагаме на луѓето во неволја, но ќе ги третираме во согласност со предвидените постапки, уважувајќи ги нашите интеграциски и безбедносни прилики“, истакна Церар.
Истовремено во Љубана, ка прес-конференција одржа министерката за внатрешни работи Весна Ѓеркеш Жнидар, официјално потврди дека Австрија од 19 часот вовела мерки за гранична контрола на три гранични премини кон Словенија, како што и претходно најави виена, исто така, поради навалицата на бегалците.
Рече дека привременото укинување на шенгенскиот режим кон Унгарија била неизбежна и итно неопходна мерка за да се владее со миграциските текови и да се спречи неконтролираниот прилив на бегалци и мигранти на словенечка територија, но дека Словенија во поглед на бегалците и натаму ќе искажува европска солидарност./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.