Европа
Германија воведува контроли на границата со Австрија, Јункер загрижен
Германија воведе привремени контроли на границата со Австрија и го запре железничкиот сообраќај со оваа земја, поради што претседателот на Европската комисија Жан-Клод Јункер изрази загриженост во телефонскиот разговор со германската канцеларка Ангела Меркел, а еден од најголемите поборници на контролата на бегалците, унгарскиот премиер Виктор Орбан го поздрави овој потег на Берлин.
Берлин се одлучи повторно да воведе контроли на границата, реагирајќи на бегалската криза. Со тој потег го прекршува Шенгенскиот договор за отворените граници на Европската унија, потсетува во неделата германскиот весник Bild.
„Германија повторно воведува привремени контроли на внатрешните граници на ЕУ. Ќе започнеме со Австрија. Целта на овие мерки е да се ограничи сегашниот прилив луѓе во Германија и да се вратиме на стандардните процедури кога тие ќе влезат во земјата“, изјави германскиот министер за внатрешни работи Томас де Мезиер на прес-конференцијата во Берлин. Меѓутоа, не појасни како точно ќе изгледаат тие гранични контроли.
Истовремено, директорот на германските железници на својот австриски колега му соопштил дека Германија го запира железничкиот сообраќај од Австрија, соопшти во неделата портпаролката на австриската железничка компанија OeBB.
Од одлуката на германските власти загрижен е претседателот на Европската комисија, Жан-Клод Јункер. „Штотуку разговарав со канцеларката Меркел. Се согласивме дека за да останат отворени граници меѓу земјите членки на ЕУ, потребна е поголема солидарност во односот кон бегалската криза“, напиша на Twitter Јункер, алудирајќи на заедничките напори на ЕК и Германија на барателите на зил да бидат распределени меѓу земјите членки.
Околу 13.000 бегалци и баратели на азил пристигнаа во саботата во Минхен, а до неделата попладнето пристигнале уште 3.000. Bild пишува дека баварските власти од сојузната полицијата побарале помош, како и дека во оваа германска сојузна земја полицијата ќе испрати 2.100 свои припадници за да помогнат во осигурувањето на границата.
Унгарскиот премиер Виктор Орбан во неделата ја поздрави „неопходната“ одлука на Германија повторно да вовед контроли на границата.
Целосно ја разбирам одлуката на Германија и ја изразувам целата солидарност. Оваа одлука беше неопходна за одбрана на вредностите на Германија и на Европа“, изјави Орбан за Bild.
Орбан досега жестоко ја критикуваше политиката на канцеларката ангела Меркел за отворени врати за бегалците, оценувајќи дека тоа претставува охрабрување за стотици илјади, па и милиони мигранти да дојдат во Европа. Покрај, тоа предупреди дека Европа со тоа ќе претрпи демографски измени и ќе го загуби христијанскиот идентитет.
„Привременото враќање на контролата на границите меѓу Германија и Австрија е само првиот чекор, бидејќи мораме и во Грција да ги заштитиме границите на Европа“, додаде унгарскиот премиер./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.