Свет
ЕУ воведе нови санкции кон Иран
Европската унија во понеделник и формално го усвои пакетот нови санкции врз Иран, кои се упатени кон иранската надворешна трговија, банкарството и енергетскиот сектор, пренесува Асошиејтед прес.
Европската унија во понеделник и формално го усвои пакетот нови санкции врз Иран, кои се упатени кон иранската надворешна трговија, банкарството и енергетскиот сектор, пренесува Асошиејтед прес.Потегот на ЕУ, кој во принцип беше договорен на лидерската средба на ЕУ во јуни е последна во серијата мерки преземени од меѓународната заедница во обид да се сопре иранската нуклеарна програма. Министрите за надворешни работи на ЕУ ја усвоија одлуката за донесување на пакет на рестриктивни мерки во областа на трговијата, финансиските услуги, енергијата и транспортот. Новите мерки ќе стапат во сила во наредните неколку недели, откако ќе бидат објавени во Службениот весник на Унијата.Според начелата договорени во јуни, санкциите ќе се однесуваат најмногу на нештата кои имаат двојна употреба, т.е. можат да се употребуваат во нуклеарна та програма и на иранската индустрија за нафта и гас, а ќе вклучуваат и забрана за нови инвестиции, техничка помош и трансфер на технологија. Иранските компании за пренос на товар ќе бидат ставени на црната листа и ќе им биде забрането да оперираат на територијата на ЕУ, а нови забрани за издавање на визи и заплена на имоти ќе бидат применети врз членовите на Револуционерната гарда на Иран. Санкциите го вклучуваат и осигурувањето и финансиските трансакции. Новите европски санкции ќе дојдат како додаток на четвртата рунда санкции кои на Иран му беа наметнати минатиот месец од Советот за безбедност на ОН , откако Техеран го отфрли планот за прекин на збогатувањето на ураниумот и размена на незбогатен ураниум за готово гориво од западните земји. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.