Свет
За „Бачило“ и за „Денационализација“ поднесено обвинение за 23 лица

Одделението за гонење сторители од областа на организиран криминал и корупција при Јавното обвинителство поднесе обвинителен акт за 23 лица.
Одделението за гонење сторители од областа на организиран криминал и корупција при Јавното обвинителство поднесе обвинителен акт за 23 лица. Според Обвинителство, тие се инволвирани во скандалите со исплата на средства по тужби поднесени против државата и за денационализации на одземен имот кој не можел да биде предмет на денационализација.
Обвинителниот акт е поделен на два дела. Првиот се однесува на 13 лица кои веќе ја издржуваат мерката притвор што во различни периоди им ја одреди истражен судија на Основниот суд Скопје 1, а со вториот дел се опфатени уште десетмина обвинети кои во натамошниот дел од кривичната постапка ќе можат да се бранат од слобода. Првиот дел од обвинението се однесува на нотарот Никола Стоименовиќ, овчарот Иснифарис Џемаили, ветеринарот Муамет Арифи , полицаецот Душан Стојанов , адвокатката Ленче Димчевска, Спасе Димитров, сопственик на автомеханичарски сервис, пензионерот Ордан Милановски, Саша Андоновски, адвокат и поранешен заменик-министер за економија, извршителката Емилија Алексова, стечајката Гроздана Манасиевска, Саша Славковиќ, сопственик на фирма во Бугарија, нотарката Гордана Ракочевиќ и нејзиниот колега Михаил Ќосев .
Со вториот дел од обвинителниот акт се опфатени пензионерката Марија Дубровска, Борка Спасоевиќ, исто така пензионер, Радослав Смилчевски, советник во Државниот завод за геодетски работи, Томислав Трајковски пензионер, Зоран Велковски, возач, невработените Тодора Милановска и Светлана Симоновска, Мирко Николов, стечаен работник, Миле Наумчевски, сопственик и управител на фирмите „Мик инвест“ и „Мик Прилеп“ и пензионерот Крсте Иловски.
Според обвинението, нотарот Стоименовиќ се товари за злоупотреба на службената положба и овластување, за измама и за перење пари и други приноси. За истите кривични дела се товарат и другите обвинети. Диспозитивот на актот, за кој најверојатно бранителите на обвинетите допрва ќе поднесуваат приговори, го отвора наводот според кој нотарот Стоименовиќ прибавил имотна корист во висина од 40.958.916 денари. Имено, тој од втората половина на 2001 и март минатата година, со пречекорување на границите на своето службено овластување за себе прибавил 7.999.000 денари, а за Марија Дубровска 19.895.912 денари, и за Иснифарис Џемаили 13.064.004 денари. Нотарот се обвинува дека ја оштетил и државата за 44.462.585 денари, со тоа што извршил наплата на штета по основа на убиена и повредена стока. Пресудата, по која следувала исплата на милионски средства, била донесена по наводно хеликоптерско ракетирање, извршено на 27 јуни 2001 година, на бачилото на Иснифарис Џемаили, на место викано Вакаф во близина на тетовско Камењане. Со прибавените ветеринарни потврди требало да се докаже дека во нападот што го извршиле хеликоптерите загинале 2.150 грла овци, 17 крави, 13 телиња и 22 коња.
Дополнувањето се однесувало на уште 3.820 овци, 15 крави и исто толку телиња и 27 коњи. Во тужбата што била поднесена против државата била наведена невистината содржина со која требало да се покаже дека меѓу 25 јули и 12 август 2001 година бил извршен ветеринарен преглед на 5.041 овца од расата „вкрстена“, односно облагородена домашна со виртенберска овца. По добивањето правосилна судска пресуда, од трезорската сметка на Министерството за одбрана на штедна книшка на Иснифарис Џемаили, отворена на 12 март 2004 година, легнале 44.462.585 денари. Имено, на Џемаили освен проценетата штета му била исплатена и камата за перидот додека траел судскиот процес.
Од милионите што му биле исплатени, Иснифарис Џемаили започнал да префрла средства на штедни книшки на други лица. Така, на новоотворена книшка пренел 5.940.903 денари, а на книшката на Драгица Миновска, мајка на обвинетата Марија Дубровска, на име враќање заем префрлил 2.722.851 денар. Нови 485.200 денари, по основ на купопродажба, му биле префрлени на обвинетиот Спасе Димитров, а на 19 јануари 2005 година, на новоотворена штедна книшка пренел уште 18.038.600 денари. Само два дена порано на книшката на Миновска легнале 14.471.571 денар, а истиот ден на книшката на Дубровска биле префрлени 2.700.000 денари. На Ордан Милановски пари му биле префрлани во два наврата. Првиот пат 2.480.000, а втората уплата била на износ од 8.426.430 денари.
За се’ она што се случувало од 2001 година Обвинителството опширно појаснува во обвинителниот акт на повеќе од 60 страници. Без оглед на тоа каков епилог ќе имаат жалбите по поднесениот обвинителен акт, извесно е дека со овој судски предмет ќе раководи искусен судија од Основниот суд Скопје 1, а како можен судечки судија се спомнува судијката Лилјана Шопова-Ивановска, односно жената која застана зад процесот кој во јавноста стана познат како „Југ 1“ и во кој 28 лица беа обвинети за трговија со мигранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Кралски питон снимен на улица во Загреб

Во загрепската населба Кајзерица вчера вечерта човек наишол на кралски питон како талка по улицата. Ја снимил змијата и го објавил видеото во соседските групи во обид да го пронајде нејзиниот сопственик.
Еден од членовите на групата вклучен во безбедното враќање на змијата потврдил за „Дневник.хр“ дека сопственикот е пронајден.
„Ја најдовме сопственичката и змијата ќе ѝ биде вратена. Пред да ја најдеме сопственичката, стапив во контакт со Зоолошката градина во Загреб. Од таму ни кажаа дека можеме да им ја доставиме змијата, но бидејќи сопственичката во меѓувреме ни се јави, проблемот е решен“, рече тој.
Свет
(Видео) Сеул постави холограм на полицаец во парк: криминалот се намали за 22 процента

Секоја вечер помеѓу 19 и 22 часот холограм во природна големина на полицаец во паркот „Џудонг“ бр. 3 во Сеул повторува предупредувања за видеонадзор и ветува дека вистинските полицајци ќе реагираат веднаш, објавува Vice.
Оваа иницијатива не е маркетиншки трик, туку проект целосно поддржан од Агенцијата за полиција во Сеул. Холограмот е создаден од технолошката компанија Hologrammica, а резултатите се веќе видливи. Откога дигиталниот полицаец беше распореден во октомври минатата година како дел од иницијативата „Безбеден парк“, бројот на пријавени кривични дела во областа се намали за речиси 22 процента.
Иако холограмот не може да уапси никого, полицијата вели дека неговото присуство е доволно за да ги одврати потенцијалните престапници. „Иако по подетаљно испитување, јасно е дека лицето не е вистинско, самото чувство за присуство на полицијата имаше значаен ефект на одвраќање“, се вели во соопштението на полицијата.
Холограмот е висок над 170 сантиметри и е моделиран по вистинска личност. Неговиот изглед, особено кога свети во темница, е донекаде морничав. Додека некои на интернет го опишуваат како корисна и високотехнолошка алатка, други го споредуваат со светлечко страшило.
И покрај мешаните критики, психолошкото влијание се чини дека е позитивно. Шефот на полициската станица во Џунгбу, Ан Донг-хјун, рече дека холограмот „се етаблира како паметен безбедносен уред“ и најави планови за проширување на ваквите системи напојувани од вештачка интелигенција во други области.
Јужна Кореја е веќе позната по употребата на експериментална технологија за јавни цели, од препознавање лица во училиштата до виртуелни асистенти на железничките станици.
фото: принтскрин
Европа
(Видео) Рускиот дрон летал во полскиот воздушен простор неколку часа пред падот

Руски борбен дрон „Шахед“ летал над Полска речиси два и пол часа пред да се сруши, објави украинскиот портал „Милитарњи“, специјализиран за воени теми.
Според анализата на надзорот на украинскиот воздушен простор, дронот летал над регионите Житомир, Хмелницки, Тернопол и Лавов во Украина во ноќта од вторникот кон средата, а потоа влегол во Полска.
Растојанието од границата до местото на падот во селото Осини е приближно 200 километри. Со оглед на просечната брзина на руските дронови „Шахед“ од 120 до 150 км/ч, се проценува дека поминал вкупно два часа во полскиот воздушен простор (бидејќи не летал целосно право).
With the US now paralyzed behind an orange mountain of lard, unable to inflict sanctions on Russia, Putin ups the stakes, striking Poland with a kamikaze drone last night, only 80km from Warsaw.
The West refuses to respond, so Putin only increases the killing. pic.twitter.com/P79Y1bYnEw
— Jay in Kyiv (@JayinKyiv) August 20, 2025
Како што наведува „Милитарњи“, дронот не бил откриен од полските системи за надзор во тој период. Додека се вклучиле сирените за воздушен напад во Украина, околу 1 часот по локално време, дронот, веројатно, веќе го напуштил украинскиот воздушен простор и продолжил да лета над Полска сè додека не се урна во 2.22 часот по варшавско време.
Порталот пишува дека постојат само две сценарија според кои дронот можел да влезе во Полска: намерно таргетирање или внатрешен дефект. Тие нагласуваат дека дури и во случај на дејство на електронско блокирање, автопилотот на дронот го пренасочува кон наменетата цел.
Затоа сè уште постои можност дронот да имал однапред одредена цел на територијата на членка на НАТО, наведува украинскиот портал.
Дронот што се урна во поле со пченка во Полска е од руско потекло, изјави вчера полскиот министер за одбрана, Владислав Косињак-Камиш, нарекувајќи го тоа провокација.
Експлозијата скршила прозорци во неколку куќи, но никој не е повреден, објави полската новинска агенција ПАП. Полицијата пронашла изгорени метални и пластични делови на местото на падот.
Истражителите изјавија дека дронот оставил кратер широк шест метри и длабок 50 сантиметри. Не е јасно дали експлозијата се случила во воздух или кога удрил во земјата.
Членка на ЕУ и НАТО, Полска е еден од најблиските политички и воени сојузници на Украина.
фото: принтскрин