Македонија
Осум години од загинувањето на претседателот Трајковски
Македонија денеска одбележува осум години од смртта на вториот претседател по прогласувањето на независноста, Борис Трајковски, кој на 26-ти февруари 2004 година загина во авионска несреќа во Босна и Херцеговина.
Македонија денеска одбележува осум години од смртта на вториот претседател по прогласувањето на независноста, Борис Трајковски, кој на 26-ти февруари 2004 година загина во авионска несреќа во Босна и Херцеговина.
По тој повод, во Ротимље, на местото на падот на авионот цвеќе ќе положи делегација предводена од министерот за одбрана Фатмир Бесими, а во чиј состав се и министрите за образование и наука Панче Кралев, генерал-мајор Зоран Димов и Мирко Крстевски, преставник од семејствата на загинатите.
Во Скопје почит на Трајковски ќе му биде оддадена на неговото вечно почивалиште во Алеја на великаните на градските гробишта „Бутел“, каде ќе присуствува собраниска делегација предводена од потпретседателот Светлана Јакимовска и владина делегација во состав Владимир Пешевски, Ваљон Сарачини, Никола Тодоров и Елизабета Канческа Милевска.
Почит ќе биде оддадена и на загинатите членови на делегацијата што патуваа со претседателот Трајковски: Димка Илкова Бошковиќ, Ристо Блажевски, Миле Крстевски, Анита Кришан Лозановска, Борис Велинов и Аце Божиновски и пилотите Марко Марковски и Бранко Ивановски.
Претседателот Борис Трајковски е роден на 25 јуни 1956 година во Моноспитово, Струмица. Избран е за претседател во 1999 година, каде на функцијата го наследува првиот претседател на независна Македонија, Киро Глигоров. Загина во авионска несреќа што се случи утрото 26 февруари 2004 година кај Ротимље во Босна и Херцеговина, истиот ден кога тогашниот премиер Бранко Црвенковски отпатува за Даблин, Ирска со цел да ја поднесе апликацијата на Република Македонија за членство во Европската Унија. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.