По повод отворањето на Петиот интернационален уличен фестивал-Баскерфест 2010 ќе се одржи прес конференција на градскиот плоштад.

По повод отворањето на Петиот интернационален уличен фестивал-Баскерфест 2010 ќе се одржи  прес конференција на градскиот плоштад. На прес конференцијата ќе се обрати главниот организатор на овој фестивал  Фимка Темовa, претставници од Град Скопје, како и дел од изведувачите на годинашниот Баскерфест.Оваа година фестивалот ќе се одржи од 4-ти до 13-ти јуни, а главната програма на новото издание на Баскерфест се очекува да се реализира на плоштадот Македонија, потоа пред црквата Св.Спас кај Стара чаршија, пред Мустафа Паша Џамија близу Скопското кале и во општина Аеродром. Се очекуваат 25 различни настапи, учество на 70 артисти како од нашата земја така и од странство. За разлика од минатите оваа година се очекува учеството на изведувачите значително да се зголеми. Скопје во период од 10 дена ќе биде домаќин на 95 различни интернационални артисти кои ќе и овозможат на публиката повеќе од 60 возбудливи настапи. Исто како и минатите изданија на фестивалот така и оваа година ќе биде отворена Пиво градината, која ќе се наоѓа на самиот плоштад, каде ќе бидат поголемиот дел од случувањата.Свеченото отворање на фестивалот ќе се одржи на плоштадот Македонија, со почеток во 20 часот, со спектакуларниот настап на музичко-театарската претстава „Малото возило“ во изведба на француската група „Икс-девојки“ („X-Girls“), кои ќе ја подгреат атмосферата за деновите кои следуваат. Ова гостување е во соработка со Францускиот културен центар во Скопје. Уште еден настап по кој ќе се памети годинашниот Баскерфест, како најавуваат организаторите, е пиротехничкиот спектакл на германскиот уметник Еdи Егал (Eddie Egal), кој во живо пред очите на посетителите ќе ја изведе точка на самозапалување./крај/со