Свет
Обложувачниците ја изиграа државата
Спортските обложувачници ја делат добивката што треба да ја исплатат за повеќе ливчиња за да не и платат персонален данок на државата.
УПРАВАТА ЗА ЈАВНИ ПРИХОДИ НЕМА КОНТРОЛА
Радмила Ј. Николовска
Спортските обложувачници ја делат добивката што треба да ја исплатат за повеќе ливчиња за да не и платат персонален данок на државата. Во Управата за јавни приходи го признаваат овој вид криминал, но велат дека тешко се справуваат со него бидејќи не можеле истовремено да ги следат уплатите и исплатите во обложувачниците што се уште не се фискализирани. УЈП не знае ни колку данок плаќаат обложувачниците бидејќи даночните приходи ги собираат на куп од сите правни субјекти.
Овие даночни малверзации ги посочуваат и граѓани што редовно пополнуваат ливчиња за спортска прогноза.
– Неколкупати сум добил по 18.000 денари и добивката ми ја поделија на четири ливчиња за фиктивно да ја намалат. Во тој случај не ми задржуваат пари – вели скопјанецот Н.В..
Во УЈП тврдат дека редовно ги контролираат обложувачниците, но не кажуваат колку од нив пријавуваат реална годишна добивка и колку данок и плаќаат на државата.
Овие субјекти се обврзани да плаќаат данок на додадена вредност од 18 отсто, ако во годината остварат добивка од 1,3 милион денари, и персонален данок од 18 отсто за секоја исплатена добивка поголема од 10.000 денари.
– Даночните инспектори забележале вакви појави при контролите во обложувачниците. Но, овој проблем не може да се реши се додека не се фискализираат обложувачниците. Сега се изработува фискален апарат што кој ќе ги евидентира уплатите и исплатите – изјавија во Управата.
Сопствениците на спортските обложувачници тврдат дека работат според законските прописи и дека им ги исплаќаат целосно добивките на граѓаните. Во скопската "Вил Хил" тврдат дека пред три години ја исплатиле најголемата добивка од 25.000 евра за облог на фудбалски натпревар.
– Луѓето се обложуваат од навика, но има и такви што го прават тоа заради забава, без разлика дали губат. И ние сме дел од игрите на среќа, во кои некогаш губиш, а некогаш добиваш – вели Александар Јовичиќ, шеф во "Вил Хил". Тој признава дека имаат и клиенти што се обложуваат за да заработат бидејќи сметаат дека тоа е најлесен начин.
Социолозите укажуваат на уште еден проблем од манијата за спортски прогнози – создавањето зависност кај граѓаните во земјите во кои е изразена материјално-егзистенцијална криза. Социологот Илија Ацевски, професор на Филозофскиот факултет во Скопје, вели дека во вакви транзициски земји, во кои кризата трае со години, граѓаните сакаат да заработат на најкраток начин или решаваат да го прават тоа нелегално.
– Кај нас таа сфера се уште не е регулирана. Веќе десетина години се трага по модел што ќе спречи луѓето да се навлекуваат на обложување кога немаат пари. Не треба со провокативни реклами и со ветувања за исплата на големи добивки постојано да се регрутираат нови армии зависници. Во населбата каде што живеам нема дете над 18 години што не се обложува. Младата генерација од 18 до 20 години особено е на удар на оваа појава – објаснува Ацевски.
Тој вели дека овие игри на среќа не може да се забранат бидејќи на тој начин ќе станат мистични и уште попривлечни за граѓаните.
Ова го потврдуваат и граѓаните, кои сметаат дека обложувачниците и другите игри на среќа им овозможуваат за кратко време да заработат пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.